చెర్రీ - శ్రీనువైట్ల కొత్త ప్రాజెక్ట్ షురూ

Posted: 03/05/2015 05:55 PM IST

Ram charan srinu vaitla latest movie launched

ప్రముఖ దర్శకుడు శ్రీనువైట్ల దర్శకత్వంలో రాంచరణ్ హీరోగా ఓ చిత్రం తెరకెక్కనున్న విషయం తెలిసిందే. ‘మై నేమ్ ఈజ్ రాజు’ అనే టైటిల్ పరిశీలనలో వుంది. ఈ చిత్ర ముహూర్త కార్యక్రమాలు గురువారం (05-03-2015) జరిగాయి. ఈ కార్యక్రమానికి రాంచరణ్ తల్లితండ్రులు చిరంజీవి, సురేఖలతో పాటు చిత్ర దర్శకులు శ్రీనువైట్ల, నిర్మాత దానయ్య, మరియు రచయిత గోపిమోహన్, దర్శకులు వి.వి.వినాయక్ లు పాల్గొన్నారు.

ప్రముఖ నిర్మాత డి.వి.వి.దానయ్య ‘డి.వి.వి.ఎంటర్టైన్మెంట్స్ పతాకం’పై నిర్మించనున్న ఈ చిత్రానికి ప్రముఖ రచయితలు కోనవెంకట్, గోపి మోహన్ లు కలిసి కథ, మాటలు అందిస్తున్నారు. ఇందులో చరణ్ సరసన రకూల్ ప్రీత్ సింగ్ హీరోయిన్ గా నటించనుంది. ఇక ఈ చిత్రానికి ‘కొలవెరి’ ఫేం అనిరుధ్ సంగీతం అందించనున్నాడు. మార్చి 16 నుంచి రెగ్యులర్ షూటింగ్ ప్రారంభం కానుంది. ఈ సినిమాను త్వరగా పూర్తి చేసి, అక్టోబర్ 15న విడుదల చేయడానికి దర్శకనిర్మాతలు సన్నాహాలు చేస్తున్నారు.