మాంచి రేటు పలికిన ‘కరీనా’ ప్రాపర్టీ!

Posted: 03/03/2015 11:43 AM IST

Kareena kapoor khan finally finds a buyer for her flat

గత మూడేళ్లక్రితం తన ప్రాపర్టీని అమ్మకానికి పెట్టిన కరీనాకపూర్.. ఎట్టకేలకు తన ప్రయత్నాల్లో సఫలీకృతం అయ్యింది. తాను అనుకున్నట్లుగానే తన ప్రాపర్టీకి మాంచి రేటు రావడంతో ఆమె దాన్ని చివరికి అమ్మేసింది. దీంతో ఇప్పుడు ఈ అమ్మడు ఫుల్ హ్యాపీగా వుందంటూ బాలీవుడ్ సమాచారం!

ముంబైలోని ఖార్ ప్రాంతంలో కరీనాకు, ఆమె అమ్మకు మంచి ఇంటరీయర్స్ తో అధునాతనంగా నిర్మించిన రెండు లగ్జరీ ఫ్లాట్స్ (3 బెడ్ రూమ్స్, 2 హాల్స్, 2 కిచెన్ రూంలు) వున్నాయి. అయితే.. పెళ్లికి ముందు ఈ అమ్మడు సైఫ్ అలీ ఖాన్ ‘ఆఫీస్’ వున్న అపార్ట్ మెంట్ లో ఒక మంచి ఫ్లాట్ కొనుగోలు చేసింది. దాంతో కరీనా ఖార్ లోని తనకు, అమ్మకు సంబంధించి ఆ రెండు లగ్జరీ ఫ్లాట్స్ ను మూడేళ్ల క్రితం తన ఏజెంట్ ద్వారా అమ్మకానికి పెట్టింది. అప్పుడు తాను 12-15 కోట్లకు అమ్మకానికి పెట్టిందట! అయితే.. అంత రేటు పెట్టి ఆ ఫ్లాట్స్ ని కొనుగోలు చేసేందుకు ఎవ్వరూ ముందుకు రాలేదు.

అయితే.. కరీనా పెట్టిన బేరం మేరకు ఇప్పుడు ఒక వ్యక్తి ఆ రెండు ఫ్లాట్స్ ని కొనుగోలు చేసినట్లు సమాచారం! ఆ వ్యక్తి పేరు బయటకు రాలేదు గానీ.. అతను మాత్రం ఆ రెండు ఫాట్స్ ను 15 కోట్లకు కొనేశాడని తెలిసింది. దాంతో అనుకున్న రేటుకే తన ప్రాపర్టీ అమ్ముడుపోవడంతో అమ్మడు ఫుల్ ఖుషీగా వుంది.