గతంలో వరుస పరాజయాలతో వెనుకపడిపోయిన నందమూరి బాలకృష్ణ.. ‘సింహా’ సినిమాతో బాక్సాఫీస్ రికార్డులను తిరగరాసిన విషయం తెలిసిందే! ఇక ఆ తర్వాత వచ్చిన ‘లెజెండ్’ చిత్రం కూడా 50 కోట్ల క్లబ్ లోకి చేరిపోయింది. ప్రస్తుతం ఆయన తన 98వ చిత్రమైన ‘లయన్’ షూటింగ్ లో బిజీగా వుండగా.. తర్వాత చేయబోయే 99వ చిత్రాన్ని ఈరోస్ ఇంటర్నేషన్ నిర్మించేందుకు సిద్ధమైంది. ఆ చిత్రాన్ని ‘లౌక్యం’ ఫేం దర్శకుడు తెరకెక్కించనున్నాడు.
ఇక ఈ మూవీ తర్వాత ఆయన చేయబోయే 100వ చిత్రం కోసం టాలీవుడ్ సహా ఆయన అభిమానులు ఎంతో ఆసక్తిగా ఎదురుచూస్తున్నారు. ఒక స్టార్ (ఎన్టీఆర్) కుమారుడిగా 100 చిత్రాలు చేసిన హీరోగా సాధించిన ఘనత ఏకైక వ్యక్తి ఈయనే కావడం విశేషం! దీంతో ఈయనకోసం నందమూరి అభిమానులు ఎంతో విలువైన ‘సింహం’ బొమ్మను బహుమతిగా ఇచ్చేందుకు సిద్ధమవుతున్నారని సమాచారం! ఆయన 100వ చిత్రం ప్రారంభం నాటికి అది సిద్ధమవుతుందని, ఆ చిత్ర ప్రారంభోత్సవ సమయంలో దానిని బాలయ్యకు ఇవ్వాలని వాళ్లు నిర్ణయించుకున్నట్లుగా తెలుపుతున్నారు. ఆ బహుమతి ఖరీదు రూ.10,00,000 వుంటుందని, ఆ సింహపు బొమ్మను ‘గోధుమ రంగు క్రిస్టల్ గ్రానైట్’తో తయారు చేయించబోతున్నట్లుగా ఎన్.బీ.కే హెల్పింగ్ హ్యాండ్స్ స్థాపకుడు అనంతపురం జగన్ వెల్లడించారు.
ఈ నేపథ్యంలోనే జగన్ మాట్లాడుతూ.. ‘6 నుంచి 9 నెలల్లో ఈ లయన్ విగ్రహాన్ని సిద్ధం చేయించాలని అనుకుంటున్నాం. బాలయ్య 100వ చిత్రం ప్రారంభం నాటికి సిద్ధమవుతుందని ఆశిస్తున్నాం. ఒక స్టార్ కుమారుడిగా ఈ ఘనత సాధించబోతున్న ఏకైక వ్యక్తి ఆయనే! అందుకే.. ఆ క్షణాలను మేము సెలబ్రేట్ చేసుకోవాలనుకుంటున్నాం. ఆ సమయంలోనే ఆయనకు ఈ ‘సింహం’ బొమ్మ బహుమతిని అందజేస్తాం’’ అంటూ తెలిపారు. ఈ విగ్రహంతోపాటు ‘నందమూరి శిఖరం’ అనే పుస్తకాన్ని రూపొందించి బాలయ్యకు సమర్పించాలనుకుంటున్నట్లుగా ఆయన పేర్కొన్నారు.
‘‘ఈ పుస్తకం తొలిపేజీని బాలయ్య సతీమణి వసుంధర రాస్తారు. వెయ్యి పేజీలతో వుండే ఈ పుస్తకంలో బాలయ్యతో పనిచేసిన నటీనటులు, దర్శకులు, సాంకేతిక నిపుణుల గురించి, బాలయ్య సినీ ప్రయాణం ప్రతిబింబించే విధంగా వుంటుంది’’ అని జగన్ పేర్కొన్నారు.
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more