‘లిప్ లాకా’..? అయితే ఓ కండీషన్!

Posted: 02/23/2015 05:47 PM IST

Rakul preet singh liplock scenes condition tollywood latest updates

ఇండస్ట్రీలో తారల మధ్య పోటీ ఎక్కువగా పెరిగిపోతున్న నేపథ్యంలో లిప్ లాక్ వంటి ముద్దుసీన్లలోనూ, హాట్ సన్నివేవాల్లో నటించేందుకు అందరూ గ్రీన్ సిగ్నల్ ఇచ్చేస్తున్నారు. ముఖ్యంగా ప్రస్తుతమున్న యంగ్ హీరోయిన్లైతే లిప్ లాక్ సీన్లలో నటించేందుకు ఎటువంటి అభ్యంతరం లేదని బహిరంగంగానే స్టేట్ మెంట్లు వెల్లడిస్తున్నారు. ఇలాంటి సీన్లలో నటించడం వల్ల వారికి ఫ్యాన్ ఫాలోయింగ్ తోపాటు ఇండస్ట్రీలో మంచి క్రేజ్ లభిస్తుందనే ఉద్దేశంతోనే ఒప్పుకుంటుంటారని విశ్లేషకుల అభిప్రాయం! ఇకపోతే.. తనకూ లిప్ లాక్ సీన్లలో నటించేందుకు అభ్యంతరం లేదని చెబుతున్న నటి రకుల్.. దానికితోడు ఓ చిన్న మెలిక పెట్టింది.

వరుస విజయాలతో తక్కువ సమయంలోనే అగ్రస్థానానికి దూసుకెళుతున్న పంజాబీ భామ రకుల్ ప్రీత్ సింగ్.. అధర చుంబనాలకు ఓకే అంటూ గ్రీన్ ఇస్తోంది. కానీ దానికితోడు ఓ చిన్న కండీషన్ పెడుతోంది. అదేమిటంటే.. ‘‘ఆ ముద్దు సన్నివేశం లేకపోతే ఆ సీన్ లేదు’’ అనిపించేంత సీరియస్ నెస్ ఆ సన్నివేశంలో వుండాలి. అలాంటప్పుడే తాను లిప్ లాక్ లో పాల్గొనడానికి అభ్యంతరం లేదంటూ తెలుపుతోంది. లేకపోతే చస్తే చేయనంటూ మొండికేస్తోంది. అంటే.. స్ర్కిప్ట్ డిమాండ్ మేరకు లిప్ లాక్ ఖచ్చితంగా చేయాల్సి వస్తేనే తాను చేయడానికి ఓకే అంటోందన్నమాట! ఇదే విషయమై ఈ అమ్మడు తన అభిప్రాయాన్ని వెల్లడించింది కూడా!

‘‘సన్నివేశం సీరియస్ నెస్ మేరకు లిప్ లాక్ అవసరమైతేనే అందులో నటించేందుకు ఒప్పుకుంటాను. ఆ ముద్దు సీన్ లేకపోతే ఆ సీన్ లేదన్నట్లు అనిపించేంతగా సీరియస్ నెస్ వుండాలి. అలా అయితేనే ఓకే గానీ.. ఏదో అట్రాక్షన్ కోసమే, అదనపు గ్లామర్ కోసమో అంటే మాత్రం అస్సలు ఒప్పుకోను. నేను నటించే సినిమాలన్నీ నా తల్లిదండ్రులతో కూర్చుని చూసేలా వుండాలి. ఒకవేళ లిప్ లాక్ సీన్ వస్తే.. దాని ప్రత్యేకత గురించి వివరించేలా వుండాలి’’ అంటూ వెల్లడిస్తోంది రకుల్. అంటే.. ఫ్యామిలీతో కూర్చుని చూస్తున్నప్పుడు లిప్ లాక్ సన్నివేశాలోస్తే.. అప్పుడు ఆ సీన్ కి తగినట్లు దాని డిమాండ్ ఏంటో విశ్లేషించే విధంగా వుండాలంటూ కండీషన్ పెడుతోంది అమ్మడు!

ఇదిలావుండగా.. ప్రస్తుతం రవితేజతో ‘కిక్-2’ చిత్రంలో నటిస్తున్న ఈ అమ్మడు.. త్వరలోనే రామ్ చరణ్ తేజ్, ఎన్టీఆర్, మహేష్ బాబులతో కలిసి నటించనుంది. అటు బాలీవుడ్ లో సైతం ఈ అమ్మడికి ఆఫర్లు వరుసగా వస్తున్నాయి.