సమంత వల్లనే సిద్ధార్థ్ చేయట్లేదా?

Posted: 01/31/2015 10:38 AM IST

మలయాళంలో బ్లాక్ బస్టర్ హిట్టయిన ‘బెంగళూర్ డేస్’ చిత్రాన్ని తెలుగులో రీమేక్ చేయబోతున్న విషయం తెలిసిందే. బొమ్మరిల్లు భాస్కర్ దర్శకత్వంలో ఈ చిత్రాన్ని పివిపి సంస్థ, దిల్ రాజు సంయుక్తంగా నిర్మించబోతున్నారు. ఈ చిత్రానికి తెలుగులో ‘హైదరాబాద్ డేస్’ అని, తమిళంలో ‘చెన్నై డేస్’ అనే టైటిల్ ను ఖరారు చేసారు.  ఏకకాలంలో ఈ చిత్రాన్ని రెండు భాషలలో తెరకెక్కించి, విడుదల చేయనున్నారు.

ప్రస్తుతం భాస్కర్ ఈ చిత్ర స్క్రిప్టును తెలుగు నేటివిటీకి తగ్గట్లుగా మార్చే పనిలో బిజీగా ఉన్నట్లు తెలిసింది. త్వరలోనే ఈ ప్రాజెక్టు సెట్స్ పైకి వెళ్లనుంది. ఇందులో నాగచైతన్య, ఆర్య, సిద్ధార్థ్ లు హీరోలుగా కన్మర్మ్ అయ్యారని గతంలో వార్తలొచ్చాయి. సమంత, నిత్యామీనన్ లు హీరోయిన్లుగా నటించనున్న ఈ సినిమా నుంచి సిద్ధార్థ్ తప్పుకున్నట్లుగా తెలిసింది.

ఈ సినిమాలో తాను నటించనున్నట్లుగా వస్తున్న వార్తలను సిద్ధార్థ్ తాజాగా ఖండించారు. తాను చేయబోయే ఫ్యూచర్ ప్రాజెక్టులను త్వరలోనే ప్రకటిస్తానని చెప్పుకొచ్చాడు. అయితే సిద్ధార్థ్ ఈ సినిమా నుంచి తప్పుకోవడానికి గల కారణం సమంతనే అని కోలీవుడ్ లో వార్తలు వినిపిస్తున్నాయి.

వీరి లవ్ బ్రేకప్ అవ్వడంతో ఇక కలిసి నటించేందుకు వీరిద్దరూ ఇష్టపడట్లేదని తెలుస్తోంది. మరి సిద్ధార్థ్ స్థానంలో ఏ హీరో వచ్చి చేరనున్నాడో త్వరలోనే తెలియనుంది. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.