‘అహ నా పెళ్లంట’ అంటున్న కామెడీ హీరో!

Posted: 01/06/2015 12:21 PM IST

కామెడీ హీరోగా టాలీవుడ్’లో తనకంటూ ప్రత్యేక గుర్తింపు స్థాపించుకున్న అల్లరి నరేష్.. ‘అహ నా పెళ్లంట’ అంటూ సంబరపడిపోతున్నాడని సమాచారం! ఇదేదో రీల్ లైఫ్’కి సంబంధించింది కాదు.. అల్లరి నరేష్ రియల్ లైఫ్’పార్ట్’నర్’కి సంబంధించిన విషయం! ఈ ఏడాదిలో ఇతగాడు ఓ ఇంటివాడు కావడం ఖాయమని వార్తలు వస్తున్నాయి. ఎందుకంటే.. ఇతగాడికి తగ్గ మంచి సంబంధం కోసం అప్పుడే వెదుకులాటలు మొదలెట్టేరు. ఈ విషయాన్ని తాజాగా నరేషే వెల్లడించాడు.

ఏదైనా ఓ గ్రామీణ ప్రాంతంలో సంప్రదాయ కుటుంబానికి చెందిన అమ్మాయిని చేసుకోవాలని అల్లరి నరేష్ కోరుకుంటున్నారు. అప్పటికే తూర్చు, పశ్చిమ గోదావరి జిల్లాలలో తమ కమ్యూనిటీకి చెందిన సంస్కృతీ-సంప్రదాయాలతో కూడిన అమ్మాయి కోసం వెతుకుతున్నారట! త్వరలోనే తన పెళ్లి వ్యవహారానికి సంబంధించిన మరిన్ని వార్తలను అధికారికంగా వెల్లడించనున్నారని పేర్కొన్నాడు. ఏదేమైనా.. ఈ ఏడాది చివరిలోగా నరేష్ పెళ్లి చేసుకోవడం ఖాయమని అంటున్నారు.