ఏం చేస్తున్నాడో ఏమిటో...?

Posted: 01/06/2015 08:37 AM IST

Mahesh babu koratala shiva movie song shooting

సూపర్ స్టార్ మహేష్ బాబు ప్రస్తుతం కొరటాల శివ డైరెక్షన్ లో సినిమా చేస్తున్న విషయం తెలిసిందే. ఈ మూవీ కోసం ప్రిన్స్ చాలా కష్టపడుతున్నాడు. ‘ఆగడు’ పెద్ ఫ్లాపు కావటంతో.., ఈ సినిమాతో తానేంటే నిరూపించుకోవాలని ప్రయత్నిస్తున్నాడు. డైలాగ్స్, బడ్జెట్, ఇతర విషయాల్లో చాలా జాగ్రత్తలు తీసుకుంటున్నాడు. డాన్సులో కూడా కొత్త స్టెప్పులు నేర్చుకుంటున్నాడట. ప్రస్తుతం ఈ మూవీలో మహేష్ టైటిల్ సాంగ్ షూట్ అవుతోందట. ఇందులో చాలా బాగా డాన్స్ చేస్తున్నాడని చెప్తున్నారు.

ప్రముఖ కొరియోగ్రాఫర్ రాజు సుందరం ఈ పాటకు డాన్స్ నేర్పుతున్నాడు. న్యూ ఇయర్ కు దుబాయ్ కు వెళ్ళి వచ్చిన మహేష్, కొత్త ఉత్సాహంతో డాన్సులు చేస్తుండటంతో, ఫారిన్ టూర్ లో కొత్త మందు ఏం తీసుకున్నాడో అని అనుకుంటున్నారు. రామోజి ఫిలిం సిటీలో ఈ పాట షూటింగ్ జరుపుకుంటోంది. ఈ సినిమాకు ‘శ్రీమంతుడు’ అనే టైటిల్ పరిశీలిస్తున్నారు. కొరటాల శివ డైరెక్షన్ లో వస్తున్న ఈ సినిమా సూపర్ హిట్ అవుతుందని మూవీ యూనిట్ సభ్యులు అంటున్నారు.

మహేష్ రోల్ చాలా డీసెంట్ గా ఉండటంతో పాటు హీరోయిజంను మరింతగా పెంచేలా ఉంటుందని చెప్తున్నారు. అందాల భామ శృతి హాసన్ ఈ సినిమాలో హీరోయిన్ గా నటిస్తోంది. 2014 సంవత్సరం ప్రిన్స్ రెండు సినిమాలు ప్లాపు కావటంతో ఈ ఏడాదైనా హిట్ వస్తుందా లేక ఫ్లాపుల ప్రిన్స్ గా కొనసాగుతాడా అని ఫ్యాన్స్ లో అనుమానాలు వ్యక్తం అవుతున్నాయి.