బాక్సాఫీస్ కలెక్షన్లను తిరగరాస్తున్న పీకే

Posted: 01/04/2015 09:10 PM IST

బాలీవుడ్ చిత్రం 'పీకే'పై ఓ వైపు వివాదాలు, నిరసనలు కొనసాగుతున్నా.. బాక్సాఫీసు వద్ద మాత్రం ఈ చిత్రం కాసుల వర్షం కురిపిస్తోంది. అమీర్ ఖాన్ నటించిన ఈ సినిమా ప్రపంచ వ్యాప్తంగా 500 కోట్ల రూపాయలకుపైగా వసూళ్లను రాబట్టింది. వివాదాస్పద చిత్రంగా పేరు తెచ్చుకున్న ఈ సినిమాను చూడటానికి ప్రేక్షకులు కూడా భారీ స్థాయిలోనే సినిమా ధియేటర్ల వద్ద బారులు తీరుతున్నారు.

రెండువారాల్లోనే 500 కోట్ల రూపాయల కలెక్షన్లు రాబట్టిన ఈ చిత్రం.. తాజాగా 600 కోట్ల రూపాయల మార్కును దాటేందుకు పరుగులు తీస్తుండటం పట్ల బాలీవుడ్ వర్గాలు కూడా హర్షం వ్యక్తం చేస్తున్నాయి. మరో వారం రోజుల పాటు ఇదే రద్దీ కొనసాగితే.. ఈ సినిమా 600 కోట్ల రూపాయలను వసూలు చేయవచ్చని భావిస్తున్నారు. ఈ మార్క్ను దాటితే 600 కోట్లు సాధించిన తొలి భారతీయ సినిమాగా పీకే సరికొత్త రికార్డు సృష్టిస్తుంది.

జి. మనోహర్