ఇది చాలు సినిమా గురించి చెప్పడానికి

Posted: 12/16/2014 01:27 PM IST

తమిళంలో సూపర్ హిట్ అయిన ‘వీఐపీ(వేలయిళ్ల పట్టతారి) సినిమా తెలుగులో కూడా ఘన విజయం సాధిస్తుందనే ఆశలు పెరుగుతున్నాయి. ప్రస్తుతం డబ్బింగ్ దశలో ఉన్న ఈ సినిమా ట్రైలర్ సోమవారం రాత్రి విడుదల అయింది. ఒక్కరోజులోనే  అనూహ్య స్పందన లభించింది. అన్ని వర్గాల నుంచి ట్రైలర్ బాగుందనే టాక్ వస్తోంది. ధనుష్ యాక్టింగ్ తో పాటు.., సినిమా టేకింగ్ కూడా చాలాబాగా వచ్చినట్లు స్పష్టమవుతోంది. దీంతో సినిమా హిట్ అవుతుందని సోషల్ మీడియాలో కామెంట్లు వస్తున్నాయి. సినిమాకు తమిళంలో ఉన్న టాక్ కు కాస్త ప్రమోషన్ తోడయితే కమర్షియల్ హిట్ కావటం ఖాయంగా తెలుస్తోంది.

అమలాపాల్ హీరోయిన్ గా నటించిన ఈ మూవీని తెలుగులో స్రవంతి రవికిషోర్ విడుదల చేస్తున్నారు. గతంలో స్రవంతి బ్యానర్ పై పలు మంచి సినిమాలు నిర్మించారు. బీటెక్ పూర్తి చేసిన ఓ అబ్బాయి చేసిన మంచి పని కాన్సెప్ట్ తో వచ్చిన ఈ సినిమాను యూత్ ఎంటర్ టైనర్ అండ్ మెసేజ్ మూవీగా తెరకెక్కించారు. డిసెంబర్ లోపు డబ్బింగ్ సహా ఇతర పనులు పూర్తయితే చివరి వారంలో విడుదల చేసే అవకాశం ఉంది. లేదంటే.., జనవరి మొదటి వారంలో, కుదరకపోతే సంక్రాంతి తర్వాత విడుదల చేయాలని మూవీ యూనిట్ ప్లాన్ చేస్తోంది.

కార్తిక్