అనసూయ తొలి చిత్రం టైటిల్ పేరు క్షణం

Posted: 12/10/2014 09:56 AM IST

బుల్లి తెరపై తన యాంకిరింగ్ తో తెలుగు ప్రక్షకుల మన్ననలను పొందిన అనసూయ.. వెండి తెరకు పరిచయం కాబోతున్న విషయం తెలిసిందే. అడవి శేష్ హీరోగా రవికాంత్ దర్శకత్వంలో తెరకెక్కనున్న ఓ చిత్రంలో అనసూయ నటించనుందన్న వార్తలు ఇప్పటికే ఫిల్మ్ నగర్ లో చక్కర్లు కోడుతున్నాయి. థ్రిల్లర్ కథాంశంతో రూపొందనున్న ఈ చిత్రానికి ‘క్షణం’ అనే టైటిల్ ఖరారు చేసారు. ఈ చిత్రం రెగ్యులర్ షూటింగ్ 2015 మార్చి నుంచి ప్రారంభం కానుందని సమాచారం

ఈ సినిమా కోసం అనసూయ చాలా కష్టపడుతోంది. ప్రస్తుతం తన బాడీని స్లిమ్ గా మార్చుకునే పనిలో పడింది. తాను ఇలా రాణించడానికి తన భర్త సహకారం చాలా వుందని చెబుతోంది. అలాగే ఈ సినిమాలో ఎలాంటి రొమాంటిక్ సీన్స్, స్కిన్ షోలు, ముద్దులు లాంటి వుండకూడదని అనసూయ ముందే కండిషన్ పెట్టిందట. మరి ఇందులో అనసూయ ఎలాంటి పాత్రలో కనిపించబోతుందో అనే విషయం ఇంకా తెలియరాలేదు.

ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు. మరి ఇప్పటి వరకూ యాంకరింగ్ చేస్తూ తన హాట్ హాట్ అందాలను ప్రదర్శిస్తూ జనాలకు పిచ్చెక్కించిన ఈ అమ్మడు సినిమాలో ఎలా నటించనుందో ఏమో త్వరలోనే తెలియనుంది.