షూటింగ్ లో గాయపడ్డ రానా.. మంటలు అంటుకుని

Posted: 12/09/2014 10:52 AM IST

యాక్షన్ సీన్ చేయబోయి హీరో రానా గాయాలపాలయ్యారు. ప్రస్తుతం హిందీలో తెరకెక్కుతున్న ‘బేబి’ సినిమాలో నటిస్తున్న రానా అందులో ఓ యాక్షన్ సన్నివేశం చేస్తుండగా ప్రమాదం జరిగింది. దీంతో చేతి నాలుగు వేళ్ళకు మంటలు అంటుకున్నాయి. వెంటనే అప్రమత్తమైన యూనిట్ సిబ్బంది షూటింగ్ నిలిపేసి డాక్టర్ ను పిలిపించారు. చికిత్స అందించిన డాక్టర్ వారం రోజుల పాటు విశ్రాంతి తీసుకోవాలని సూచించారు. దీంతో తిరిగి వారం రోజుల తర్వాత రానా ‘బేబి’ దగ్గరకు వెళ్తాడు.

గాయాలపై సోషల్ మీడియాలో స్పందించిన రానా.., ‘ఐదు వేళ్ళలో నాలుగింటికి గాయాలు అయ్యాయి. చాలా నొప్పిగా ఉంది’ అని పోస్ట్ చేశాడు. అక్షయ్ కుమార్ తో కలిసి నటిస్తున్న ‘బేబి’ సినిమాను నీరజ్ పాండే డైరెక్ట్ చేస్తున్నారు. ఈ మద్యే సినిమా ట్రైలర్ వచ్చింది. హీరోగానే కాకుండా స్పెషల్ రోల్ క్యారెక్టర్లు, విలన్ గా నటిస్తూ ఇండస్ర్టీలో బిజీగా ఉన్న నటుడుగా మారిపోయాడు. ప్రస్తుతం ‘బాహుబలి’ మూవీలో విలన్ గా నటిస్తున్న రానా.. త్వరలోనే ఈ సినిమా షూటింగ్ లో కూడా పాల్గొంటారని ‘బాహుబలి’ యూనిట్ వర్గాలు వెల్లడించాయి.

కార్తిక్