ఆ సెంటిమెంట్ వర్కౌట్ అయితే హ్యాట్రిక్ హిట్టే

Posted: 12/02/2014 01:03 PM IST

Naga shaurya movie lakshmi rave maa intiki censor

ధనాధన్ మంటూ వరుసగా సినిమాలు చేసుకుంటూ వెళ్తోన్న యంగ్ హీరో నాగశౌర్య మరో మూవీని ప్రేక్షకులకు అందించేందుకు సిద్ధమయ్యాడు. ‘లక్ష్మి రావే మా ఇంటికి’ సినిమా అన్ని పనులు పూర్తి చేసుకుని విడుదలకు సిద్దంగా ఉంది. తాజాగా సినిమా సెన్సార్ కూడా పూర్తయింది. అందరూ చూడదగ్గ సినిమగా బోర్డు నుంచి యు/ఎ సర్టిఫికెట్ అందుకుంది. డిసెంబర్ 5న భారీ అంచనాల మద్య థియేటర్లలోకి వస్తోంది. గతంలో రెండు వరస హిట్లు రావటంతో మూడవ సినిమాతో హ్యాట్రిక్ కొట్టాలని ఉవ్విళ్ళూరుతున్నాడు.

‘లక్ష్మి రావే మా ఇంటికి’ మూవీకి ముందు వచ్చిన ‘దిక్కులు చూడకు రామయ్య’, ‘ఊహలు గుసగుసలాడె’ సినిమాలకు మంచి స్పందన వచ్చింది. ఈ రెండు సినిమాల్లో ఒకదానికి యు/ఎ సర్టిఫికెట్ రాగా.., మరొక మూవీకి యు సర్టిఫికెట్ వచ్చింది. ఇప్పుడు కూడా యు/ఎ రావటంతో సెంటిమెంట్ వర్కవుట్ అవుతుందని చిన్నసినిమాల అభిమానులు భావిస్తున్నారు. సినిమా పాటలతో పాటు, ఈ మద్య వచ్చిన ట్రైలర్లకు మంచి స్పందన రావటంతో సినిమా హిట్ సాధిస్తుందని అంటున్నారు.

‘ఉయ్యాల జంపాల’ ఫేం అవికా గోర్ హీరోయిన్ గా నటించిన ఈ మూవీతో మాటల రచయిత నంద్యాల రవి డైరెక్టర్ గా పరిచయం అవుతున్నాడు. గిరిధర్ ప్రొడక్షన్ హౌజ్ బ్యానర్ పై గిరిధర్ మామిడిపల్లి మూవీని నిర్మిస్తుండగా, కే.ఎం. రాధాకృష్ణన్ సంగీతం అందిస్తున్నారు.