కోలీవుడ్ లో నయనతార సరికొత్త లీలలు!

Posted: 10/27/2014 03:55 PM IST

Nayanatara playing a cop role in tamil movie thaniyoruvan

చిత్రపరిశ్రమలో వున్నతారలకు సంబంధించి రూమర్లు రావడం సహజమేకానీ.. నయనతారకు వచ్చినంతగా ఏ ఒక్క తారకు వచ్చి వుండవు. గతంలో కంటే ఈమధ్యే ఈ అమ్మడి ప్రేమవ్యవహారాలకు సంబంధించి లెక్కలేనన్నీ వార్తలు ఇప్పటికీ వస్తూనే వున్నాయి. ఆ వార్తల్లో నిజం ఎంతవరకు వుంటుందో తెలియదు కానీ.. తాజాగా ఈ అమ్మడికి సంబంధించిన వార్త అటు కోలీవుడ్ తోపాటు టాలీవుడ్ లో కూడా తెగ షికార్లు చేస్తోంది. అయితే ఈసారి వచ్చిన వార్త ఆమె వ్యవక్తిగత వ్యవహారానికి సంబంధించింది కాదులెండి... తమిళ చిత్రంలో ఈ అమ్మడు ఒక పవర్ ఫుల్ పోలీస్ ఆఫీసర్ క్యారెక్టర్ లో కనిపించనుందని సమాచారం!

తొలిసారి నయనతారతో జతకడుతున్న హీరో జయంరవి తన స్వీయదర్శకత్వంలో ‘‘తనియోరువన్’’ అనే సినిమాను తెరకెక్కిస్తున్నాడు. ఈ సినిమాలో నయనతార క్యారెక్టర్ ఇతర సినిమాలకంటే చాలా డిఫరెంట్ గా వుంటుందని.. ఇందులో ఈ మూడుపదుల భామ ఒక ఐపీఎస్ ఆఫీసర్ గా కనిపించబోతుందని ఫిల్మ్ నగర్ సమాచారం! అలాగే తన పాత్రలో భాగంగా మూవీలో గుర్రపుస్వారీ కూడా చేయనుందని.. అందుకోసం ఈ అమ్మడు ప్రత్యేకంగా శిక్షణ కూడా తీసుకుంటుందోని చిత్రవర్గాలు తెలుపుతున్నాయి. నయన ఈవిధంగా తెగ శ్రమించడాన్ని యూనిట్ వర్గాలు సంతోషాన్ని వ్యక్తం చేస్తున్నారు. ఈ చిత్రంలో నయన పాత్ర హైలైట్ గా నిలవనుందని.. కోలీవుడ్ లో ఓ సరికొత్త పోలీస్ ఆఫీసర్ పరిచయం కాబోతోందని చిత్రబృందం తెలుపుతోంది. మరోవైపు శరవేగంగా షూటింగ్ జరుపుకుంటున్న ఈ మూవీని ఈ సంవత్సరం ఆఖరులోగానీ జనవరిలో గానీ రిలీజ్ చేయడానికి సన్నాహాలు చేస్తున్నారు.