‘‘బస్సు’’లో దాసరి-విష్ణుల మధ్య నలిగిపోనున్న తార!

Posted: 07/15/2014 11:44 AM IST

(Image source from: Catherine tress to romance with manchu vishnu in yerra bassu movie)

దర్శకరత్న దాసరి నారాయణరావు, మంచు విష్ణుతో కలిసి తన స్వీయ దర్శకత్వంలో 151 చిత్రాన్ని తెరకెక్కిస్తున్న విషయం తెలిసిందే! కోలీవుడ్ లో హిట్టయిన ‘‘మంజ పై’’ సినిమాను టాలీవుడ్ లో రీమేక్ చేస్తున్నారు. ఇందులో దాసరి తాతగా, విష్ణు మనవడుగా కనిపించబోతున్నారు. ఇప్పుడు ఈ సినిమాకు సంబంధించి వార్తలు ఒక్కొక్కటిగా బయటికొస్తున్నాయి. తాజాగా ఈ సినిమాకు ‘‘ఎర్రబస్సు’’ అనే టైటిల్ ని ఖరారు చేసినట్లు వార్తలు వస్తున్నాయి.

ఇటీవలే లాంఛనంగా ప్రారంభమైన ఈ సినిమా జూలై 24వ తేదీ నుంచి సెట్స్ పైకి వెళ్లనుంది. ఈ సినిమాలో హీరోయిన్ కోసం కొన్నాళ్లవరకు వేట చేసిన అనంతరం... చివరికి కేథరిన్ ట్రెసాకు సంప్రదించారని... అందుకు ఆమె ఓకే కూడా చేసేసిందని సమాచారం! దీంతో ఈ అమ్మడు అటు తాత ఇటు మనవడు మధ్య ఎర్రబస్సులో నలిగిపోనుందని ఇండస్ట్రీలో పలురకాలుగా చెప్పుకుంటున్నారని టాక్ వినిపిస్తోంది.

కుటుంబ కథాచిత్రంగా తెరకెక్కుతున్న ఈ సినిమాకు మ్యూజిక్ డైరెక్టర్ చక్రి సంగీతం అందిస్తున్నట్టు సమాచారం! అన్నీ సవ్యంగా జరిగితే... వచ్చే ఏడాది సంక్రంతికి ఈ చిత్రాన్ని విడుదల చేయాలనే ప్లాన్ లో దర్శకనిర్మాతలు వున్నట్లు ఫిల్మ్ నగర్ లో టాక్ వినిపిస్తోంది. ఇందుకు సంబంధించి పూర్తి విశేషాలు త్వరలోనే అధికారికంగా విడుదల చేస్తామని యూనిట్ సభ్యులు పేర్కొంటున్నారు.