టాలీవుడ్ లో పవర్ స్టార్ పవన్ కల్యాణ్ ఇమేజ్ ఎటువంటిదో ప్రతిఒక్కరికీ తెలిసిందే! ‘‘అత్తారింటికి దారేది’’ సినిమాలో స్టోరీలైన్ పాతదే అయినప్పటికీ.. ఈయనకున్న ఫ్యాన్ ఫాలోయింగ్ తోనే అది టాలీవుడ్ లో రికార్డులను బద్దలుకొట్టి, భారీ కలెక్షన్లను రాబట్టిందని ఫిల్మ్ నగర్ వర్గాలు తెలుపుతున్నాయి. దీంతో ఈయన ఇమేజ్ ను క్యాచ్ చేసుకునేందుకు కొందరు హీరోయిన్లు ఈయన వెంటబడుతున్నట్టు తాజా సమాచారం!

గతంలో టాలీవుడ్ ని ఒక ఊపు ఊపిన కాజల్ అగర్వాల్... గబ్బర్ సింగ్ - 2 సినిమాలో పవన్ సరసన నటించే అవకాశం వచ్చినా... భారీ రెమ్యునరేషన్ కావాలని డిమాండ్ చేసి, ఆ ఆఫర్ ని వదులుకుని, చేతులు కాల్చుకుంది. అలాగే చాలావరకు సినిమాలను వదులుకుంది. దీంతో ఈ అమ్మడికి అటు టాలీవుడ్, కోలీవుడ్ లోనూ సినిమా అవకాశాలు అమాంతంగా తగ్గిపొయ్యాయి.

ప్రస్తుతానికి రామ్ చరణ్ సరసన గోవిందుడు అందరివాడేలే సినిమాలో నటిస్తున్నప్పటికీ.. మునుపటి స్టార్ డమ్ తిరిగి రప్పించుకోవడం కోసం ఇప్పుడు పవన్ వెంటపడుతున్నట్టు టాలీవుడ్ లో టాక్ వినిపిస్తోంది. తాజాగా ఈ అమ్మడు పవన్ కల్యాణ్ సరసన నటించేందుకు ఫిల్మ్ నగర్ లో చక్కర్లు కొడుతోందని పుకార్లు షికార్లు చేస్తున్నాయి.

ఇఫ్పుడు మరో భామ కూడా కాజల్ బాటలోనే నడుస్తున్నట్టు కనిపిస్తోంది. తన మొదటి సినిమా అయిన ‘‘వెంకటాద్రి ఎక్స్ ప్రెస్’’తో సక్సెస్ ఫుల్ హీరోయిన్ గా పేరు తెచ్చుకున్న రకుల్ ప్రీత్ సింగ్... ఇప్పుడు టాలీవుడ్ లో స్టార్ డమ్ ని పొందడానికి పవన్ కల్యాణ్ ను పొగడ్తలతో ముంచెత్తుతోంది.

‘‘ఆయనంటే నాకు చాలా ఇష్టం. ఒక్క ఛాన్స్ వస్తే ఆయనతో ఓ సినిమా చేయాలనుంది’’ అని అన్నట్టుగా తన మనసులోని మాటను బయటపెట్టినట్టు ఫిల్మ్ నగర్ వర్గాలు తెలుపుతున్నాయి. ఇటీవలే ఓ పబ్లిక్ ఫంక్షన్ కి అటెండ్ అయిన ఎక్స్ ప్రెస్ భామ... ‘‘టాలీవుడ్ లో మీకు నచ్చిన హీరో ఎవరూ?’’ అని ప్రశ్నిస్తే... ‘‘నాకు పవన్ కల్యాణ్ అంటే చాలా ఇష్టం. ఆయనతో నటించే అవకాశం వస్తే చేయాలనుంది’’ అని చెప్పింది.

సాధారణంగా స్టార్ హీరోలు నటిస్తున్న సినిమాల్లో ముందుగా హీరోనే తమకు ఏ హీరోయిన్ కావాలన్న విషయాన్ని చెబుతారు. దర్శకనిర్మాతలు ముందుగా హీరోతో చర్చలు జరిపిన తరువాతే హీరోయిన్ ను తీసుకుంటారు. అందువల్లే టాలీవుడ్ లో వున్న చిన్న సినిమాల హీరోయిన్ల నుంచి స్టార్ హీరోయిన్లందరూ పవన్ కల్యాణ్ ను వలలో పడేసేందుకే ఇటువంటి ట్రిక్కులు ప్లే చేసుకుంటున్నారని సినీ విశ్లేషకులు గుసగుసలాడుకుంటున్నారు. మరీ పవన్ కల్యాణ్ తన మీద పడుతున్న హీరోయిన్లను పైకి లేపుతాడా... లేదా...? అన్న ప్రశ్న ప్రతిఒక్కరి మదిలో తిరుగుతోంది.

AS