జక్కన్న బాహుబలి స్టోరీ కాపీనా ?

Posted: 05/06/2014 03:54 PM IST

టాలీవుడ్ సినీ ఇండస్ట్రీలోనే అత్యంత భారీ బడ్జెట్ తో ఎంతో ప్రతిష్టాత్మకంగా తెరకెక్కతున్న సోషియో ఫాంటసీ చిత్రం ‘బాహుబలి ’ పై జనాలు ఎంతో ఆసక్తితో ఉన్నారు. దానికి కారణం ఇంత వరకు ఓటమంటూ ఎరుగుని దర్శక ధీరుడు రాజమౌళి దర్శకత్వం వహిస్తుండమే కాకుండా, ప్రభాస్, రాణా, అనుష్క, తమన్నా లాంటి స్టార్లు నటిస్తుండమే.

ఈ సినిమాకు సంబంధించిన ఏ చిన్న విషయం బయటకు వచ్చినా అది ఇండస్ట్రీలో టాక్ ఆప్ ది టౌన్ అవుతుంది. ఇప్పుడు ఈ సినిమా స్టోరీ 1951లో ఎన్టీఆర్, కాంతారావు క‌థానాయ‌కులుగా న‌టించిన ‘మ‌ర్మయోగి’ సినిమాకి పోలికలు ఉన్నాయని టాలీవుడ్ నుండి ఓ వార్త బయలు దేరింది. తమిళంలో ఎంజీఆర్, తెలుగు లో ఎన్టీఆర్ నటించిన ఈ సినిమా అప్పట్లో పెద్ద సంచలనం. రాజమౌళి ఆ సినిమా కథే నుండి స్ఫూర్తి పొంది చేస్తున్నాడని చెబుతున్నారు.

ఆసలు ఇంతకీ సినిమా కథ ఏమిటంటే.. రాజ‌కుమారుడు త‌న అస్థిత్వం కోసం పోరాటం చేయ‌డం సినిమా క‌థ‌. ఈ సినిమాలో కూడా ప్రభాస్, రాణాలు అస్థిత్వం కోసం పోరాటం చేస్తారని, వారిద్దరు అందులో అన్నదమ్ములుగా కనిపించబోతున్నారని అంటున్నారు.

ఈ సినిమా కథను రాజమౌళి ఆ కథ నుండే స్ఫూర్తి పొందినా, తనదైన స్టైల్లో తెరకెక్కిస్తున్నాడని, త్వరలో ఈ వార్తల పై రాజమౌళి స్పందించి, మర్మయోగికి దానికి సంబంధం లేదని చెబుతాడని ఆయన సన్నిహితులు అంటున్నారు. అప్పటి దాకా ఏ వార్తలు, ఎన్ని ప్రచారాలు జరిగినా వినికుంటా ఉండాల్సిందే. ఏమంటారు మీరు.

knr