ఎక్స్ ప్రెస్ భామ పండగ చేస్కుంటుంది

Posted: 05/06/2014 12:51 PM IST

Rakul preet singh act in pandaga chesko movie

‘వెంకటాద్రి ఎక్స్ ప్రెస్ ’ భామ రాకుల్ ప్రీత్ సింగ్ రయ్యిమంటూ టాలీవుడ్ లో దూసుకుపోతుంది. ఇప్పటికే గోపీచంద్, మంచు మనోజ్ సినిమాల్లో రాత్రి, పగలు డబుల్ డ్యూటీలు చేస్తూ నటిస్తున్న ఈ అమ్మడుకు మరో బంపర్ ఆఫర్ వచ్చింది. స్టార్ హీరో రామ్ త్వరలో గోపీచంద్ మలినేని దర్శకత్వంలో చేయబోయే చిత్రంలో మెయిన్ హీరోయిన్ గా సైన్ చేసింది.

మొదట ఈ చిత్రంలో రామ్ సరసన బబ్లీ బ్యూటీ హన్సికను తీసుకోవాలని ఆమెను సంప్రదించారు. గతంలో రామ్, హన్సిక నటించిన నటించిన ‘కందిరీగ ’ హిట్ కావడంతో మళ్ళీ అదే కాంబినేషన్ ని రిపీట్ చేస్తే బాగుంటుందని అనుకున్నారు. అయితే హన్సిక కు డేట్స్ కుదరక పోవటం తో ఈ చిత్రం నుంచి తప్పుకుంది.

తమిళ, తెలుగు సినిమాల్లో హన్సిక ప్రస్తుతం బిజీగా ఉంది. ఆమె ప్రస్తుతం రవితేజ పవర్ చిత్రంలో నటిస్తోంది. చిత్రానికి ఈ సినిమాలో అనుకోని ఆఫర్ రావడంతో రాకుల్ ఆనందానికి అవధులు లేకుండా పోయాయి. ఎక్కువ శాతం అమెరికాలో షూటింగ్ జరుపుకోనున్న ఈ సినిమాకు పరుచూరి ప్రసాద్ నిర్మాతగా వ్యవహరిస్తున్నారు. వరుస పరాజయాలతో కొట్టుమిట్టాడుతున్న రామ్ కి, బలుపు సినిమా విజయం ఊపులో గోపిచంద్ హిట్టిస్తాడో లేదో చూడాలి.

Knr