అమలను ప్రశ్నించబోతున్న నాగార్జున

Posted: 04/18/2014 01:38 PM IST

Nag and amala to participate in kbc show

బాలీవుడ్ బుల్లితెర పై ‘సోనీ ’ ఛానల్లో ప్రసారం అయ్యే ‘కౌన్ బనేగా కరోడ్ పతీ ’ ప్రోగ్రాం కి ప్రేక్షకుల నుండి ఎంత రెస్పాన్స్ వచ్చిందో అందరికీ తెలిసిందే. ఈ ప్రోగ్రామ్ కి వ్యాఖ్యాతగా బాలీవుడ్ మెగా స్టార్ అమితాబ్ బచ్చన్ వ్యవహరించాడు. ఇప్పుడు అదే ప్రోగ్రామ్ ని టాలీవుడ్ బుల్లి తెర పై తెలుగు వర్షన్ ‘మీలో ఎవరు కోటీశ్వరులు’ అనే పేరుతో లో ప్రసారం చేయబోతున్నారు.

ఈ కార్యక్రమం (ఏప్రిల్ 18) తేదీ అంటే నేటి నుండే మా టీవీలో ప్రసారం చేయబోతున్నారు. ఈ ప్రోగ్రామ్ ని నోవాటెల్ హోటల్‌లో ప్రారంభించబోతున్నారు. టాలీవుడ్ వర్గాల సమాచారం ప్రకారం ఈ కార్యక్రమంలో పాల్గొనే తొలి అవకాశం నాగార్జున తన భార్య అమలకు కల్పించారట. తన భార్యను ఈ కార్యక్రమంలో కోటీశ్వరాలిని చేసేందుకు నాగార్జున ప్లాన్ చేసాడని, అందుకే ఆమెకు తొలి అవకాశం ఇచ్చాడనే ఫిల్మ్ నగర్లో చర్చించుకుంటున్నారు.

నలభై ఎపిసోడ్స్ గా వచ్చే ఈ ప్రోగ్రామ్ కి వ్యాఖ్యాతగా వ్యవహరించినందుకు నాగార్జునకు దాదాపు మూడు కోట్లు ముట్టజెప్పుతున్నారట. ఎంత మాటీవీ ఛానల్లో నాగార్జునకు వాటా ఉంటే మాత్రం తన భార్యకే తొలి అవకాశం ఇవ్వాలా ? ఎవరైనా పేద మేధావులకు ఇస్తే వాళ్ళ అవసరాలు తీరుతాయి కదా అని అనుకుంటున్నారు జనాలు.