బాలయ్య బాబు బైక్ అమ్మకానికి

Posted: 04/11/2014 10:01 AM IST

నందమూరి నట సింహం బాలయ్య బోయపాటి దర్శకత్వంలో నటించిన ‘లెజెండ్ ’ సినిమా భారీ విజయాన్ని సొంతం చేసుకోవడమే కాకుండా, అత్యథిక వసూళ్ళు సాధించే దిశగా పయనిస్తుంది. ఈ ఆనందాన్ని ఆ చిత్ర యూనిట్ తెగ ఎంజాయ్ చేస్తుంది.

ఈ సినిమాలో బాలయ్య బాబు వాడిన బైక్ ప్రేక్షకులను విపరీతంగా ఆకట్టుకుంది. బాలయ్య కోసం ప్రత్యేకంగా తయారు చేసిన బైక్ ని ఆ సినిమా ప్రదర్శింప బడుతున్న థియేటర్లలో ప్రేక్షకుల సందర్శనార్థం ఉంచిన తరువాత దీనిని వేలం వేయనున్నారు.

ఈ బైక్ వేలం ద్వారా వచ్చిన ఆదాయాన్ని బసవతారకం కేన్సర్ ఆసుపత్రికి విరాళంగా ఇవ్వడానికి నిర్మాతలు నిశ్చయించారు. అసలే బాలయ్య వాడిన బైకు... అందులో ప్రత్యేక హంగులు కలిగి ఉండటంతో దీనికి భారీ రేటు పలకడం ఖాయం అంటున్నారు. గతంలో వీరిద్దరి కాంబినేషన్లో వచ్చిన ‘సింహా ’ సినిమాకు సంబంధించిన వస్తువులు కూడా వేలం వేసిన సంగతి తెలిసిందే.