బాలయ్య వందవ సినిమా బోయపాటితో

Posted: 04/02/2014 03:42 PM IST

నందమూరి బాలకృష్ణ తన వందవ సినిమాకు బోయపాటి మీదనే ఆధారపడుతున్నారు. 

లెజెండ్ సినిమా విజయంతో బోయపాటి మీద నమ్మకం బాగా పెంచుకున్న బాలకృష్ణ తన వందవ సినిమాను సూపర్ హిట్ చెయ్యటం కోసం మళ్ళీ బోయపాటి భుజాల మీదనే ఆ భారం మోపుతున్నారు.  లెజెండ్ సినిమా సెలవు రోజులు దాటిన తర్వాత కూడా అదే స్థాయిలో వసూళ్ళు చేస్తుండటంతో ఆ సినిమా విజయ పథంలో దూసుకుపోతోందని చెప్పవచ్చు.  ఈ వారంలో మోహన్ బాబు విష్ణు నటించిన రామ్ గోపాల్ వర్మ సినిమా రౌడీ ఉన్నా, లెజెండ్ వసూళ్ళు చూస్తుంటే ఈ సినిమా ఢీలా పడేది లేదనిపిస్తోంది. 

రౌడీ సినిమా ప్రొమోలకు మంచి స్పందన వచ్చినా, ఆ సినిమా మొదటి వారాంతం తర్వాత కాని ఫలితం సరిగ్గా తెలియదు. 

ఏది ఏమైనా లెజెండ్ విజయాన్ని పూర్తిగా విశ్వసిస్తున్న బాలయ్య మాత్రం తన వందవ సినిమా కోసం మంచి స్క్రిప్ట్ తయారు చెయ్యమని బోయపాటికి పురమాయించినట్లు వార్త. 

అయితే, లెజెండ్ బాలయ్య 97 వ సినిమా మాత్రమే.  మరో రెండు సినిమాలు చేస్తేనేకాని ఆయన వందవ సినిమాలోకి అడుగుపెట్టలేరు!

-శ్రీజ