బాలయ్య లెజెండ్ కొత్త డైలాగ్స్ అదిరింది

Posted: 03/24/2014 06:33 PM IST

టాలీవుడ్ లో పవర్ పుల్  డైలాగ్  చెప్పలంటే.. నందమూరి బాలయ్య వల్లే అవుతుందని అందరికి తెలుసు. ఇప్పుడు బోయపాటి దర్శకత్వంలో  వస్తున్న  లెజెండ్  సినిమాలో  బాలయ్య అదిరిపోయే  డైలాగ్స్ ఉన్నాయని  చెబుతున్నారు.

లెజెండ్  సినిమాలో  బాలయ్య చెప్పిన  కొన్ని డైలాగ్స్  మీకోసం .. ‘‘నేను ఒక‌డికి ఎదురెళ్లినా.. ఒక‌డు నాకు ఎదురొచ్చినా వాడికే రిస్కు..’’మాస్‌కి, యాక్షన్  ప్రియుల‌కు ఈ సినిమా విందు భోజ‌న‌మే అనే సంగ‌తి అర్థం అవుతోంది. 

అయితే వారిద్దరికీ సినిమా న‌చ్చితే స‌రిపోదు. ఫ్యామిలీ ఆడియ‌న్స్‌నీ క‌ట్టిప‌డేయాలి క‌దా?  అందుకే ఆ వైపు దృష్టిసారించింది చిత్రబృందం. లెజెండ్ ఓ ఫ్యామిలీ మూవీ అని చెప్పడానికి అన్నట్టు..  ఓ టీజ‌ర్‌ని విడుద‌ల చేసింది. ఇందులో ఉన్న డైలాగ్‌.. ఫ్యామిలీ ఆడియ‌న్స్‌ని థియేట‌ర్ల‌కు రప్పిస్తుంద‌ని...  సినిమా యూనిట్ భావిస్తోంది. బాల‌య్య ప‌లికే ఆ డైలాగ్ ఇదే..

‘‘నిన్ను క‌న‌డానికి అమ్మకావాలి, కొన‌డానికి భార్య కావాలి, నిన్ను న‌డిపించ‌డానికి ఓ అక్కకావాలి, తిర‌గ‌డానికి గాళ్ ప్రెండ్ కావాలి, కానీ క‌న‌డానికి మాత్రం కూతురు వ‌ద్దు.. యేం....’’. లాంటి డైలాగ్స్  బాలయ్య అదరగొట్టాడు. 

డైలాగే కాదు.. ఎమోష‌న్స్ కూడా బాగానే పండాయి ఈ టీజ‌ర్‌లో. చాలా రోజుల త‌ర‌వాత సితార ఈ చిత్రంలో న‌టిస్తోంది. ఆమె న‌ట‌న‌.. మ‌హిళా ప్రేక్షకుల‌కు త‌ప్పకుండా న‌చ్చుతుంద‌ని సినిమా దర్శకుడు బోయపాటి  శ్రీను చెబుతున్నారు. 

ఆర్ఎస్