ఆకతాయి’తో రొమాన్స్ చేస్తున్న సమంతా?

Posted: 03/20/2014 03:39 PM IST

చెన్నై బ్యూటీ ఎప్పుడు ఎవరితో  రొమాన్స్ చేస్తుందో చెప్పటం చాలా కష్టం.  ఇప్పటికే ఉన్న సినిమాలతో  చాలా బిజీ  బిజీగా ఉన్న సమంతా. మరోసారి  ‘ఆకతాయి’తో రొమాన్స్ చేయటానికి  సిద్దపడినట్లు తెలుస్తోంది. ఇంతకీ ఆ ఆకతాయి ఎవరు .. రామ్.  దేవదాస్ హీరో,  ఎందుకంటే ప్రేమంట, ఒంగోలు గిత్త, మసాలా  లాంటి సినిమాల్లో ఆకతాయిగా నటించిన హీరో  రామ్. ఇప్పుడు ఎలాగైనా ఓ హిట్ కొట్టి మళ్లీ ఫామ్ లో కి వచ్చేయాలని డిసైడ్ అయ్యాడు. 

ఈ వరుసలో హ్యాట్రిక్ విజయాలను అందుకున్న దర్శకుడు గోపీచంద్ మలినేని తో జత కట్టాడు. వీరి కాంబినేషన్ లో 'పండగ చేస్కో' అనే టైటిల్ తో ఓ చిత్రం ఖారారైంది. పూర్తి కమర్షియల్ హంగులున్న చిత్రమిది. త్వరలోనే సెట్స్ పైకి వెళ్లనుంది. 

ఇదీలావుంటే రామ్ మరో స్క్రిప్ట్ కు  గ్రీన్ సిగ్నల్ ఇచ్చాడని సమాచారం. మల్లిడి వేణు అనే కొత్త దర్శకుడు రామ్ కు ఓ కధను చెప్పాడట. వేణు చెప్పిన క‌థ‌ రామ్‌కి బాగా నచ్చి ఈ చిత్రాన్ని లైన్లో పెట్టాడని ఫిల్మ్ నగర్ టాక్.

ఈ కధకు టైటిల్ కూడా ఫిక్స్ చేశారట. 'ఆకతాయి' . అన్నట్టు..  ఈ చిత్రంలో రామ్ కు జోడిగా లక్కీ చార్మ్ సమంత ను సంప్రదిస్తున్నట్లు వినిపిస్తోంది.  ఈ ఆకతాయి పిల్ల సమంతా రొమాన్స్ తో  ఒంగోలు గిత్త లాంటి కుర్రోడు  రామ్ కు కలిసి వస్తుందో లేదో చూద్దాం. 

 

ఆర్ఎస్