‘విక్రమ సింహా ’కు అంత రేటా ?

Posted: 03/11/2014 05:22 PM IST

సౌత్ సినిమా సూపర్ స్టార్ రజినీకాంత్ తన కూతురు సౌందర్య దర్శకత్వంలో భారీ బడ్జెట్, గ్రాఫిక్ చిత్రంలో నటించిన విషయం తెలిసిందే. తమిళ భాషలో్నే కాకుండా వివిధ భాషల్లో కూడా విడుదల అవుతున్న ఈ సినిమా తెలుగులో ‘విక్రమ్ సింహా ’ పేరుతో వస్తోంది. ఇటీవలే ఆడియోను విడుదల చేసుకున్న ఈ సినిమా తెలుగు రైట్స్ భారీ ధరకు అమ్మడు పోయినట్లు సమాచారం.

రజినీకాంత్ కి తమిళంతో సమానంగా తెలుగులో కూడా మంచి ఫాలోయింగ్ ఉండటం, గతంలో ఆయన నటించిన ‘రోబో ’ చిత్రం తెలుగులో మంచి వసూళ్ళు సాధించడంతో ఈ సినిమాను దాదాపు 28 కోట్లు చెల్లించి దక్కించుకున్నారని అంటున్నారు. ఈ సినిమా తెలుగు రైట్స్ హక్కులను దాదాపు రెండేళ్ళ క్రితమే 5 కోట్లు ఇచ్చి బుక్ చేసుకున్నారట. అయితే డబ్బింగ్ సినిమాకు ఇంత భారీ మొత్తం చెల్లించి తీసుకోవడం టాలీవుడ్ చరిత్రలోనే మొదటి సారి.

అయితే ఈ తెలుగు వెర్షన్ కు గాను ఎంత ఖర్చు పెట్టారు...ఏ రేంజిలో బిజినెస్ అవుతుందనేది ఇప్పుడు అందరిలో మెదులుతున్న ప్రశ్న. ఈ సినిమాలో రజినీకాంత్ సరసన దీపికా పదుకొనె నటించగా, ఆది పినిశెట్టి ఓ కీలక పాత్ర పోషించాడు.  తెలుగు వెర్షన్ ని లక్ష్మి గణపతి ఫిలింస్‌ పతాకంపై బి.సుబ్రహ్మణ్యం అందిస్తున్నారు. తమిళ్‌, హిందీ, తెలుగు భాషలలో ఒకేసారి విడుదల చేయడానికి సన్నాహాలు చేస్తున్నారు.

శోభన, శరత్‌కుమార్‌, జాకీ ష్రాప్‌, నాజర్‌ ..ఇలా భారీ తారాగణంతో రూపొందుతున్న ఈ చిత్రం ఇంత భారీ మొత్తం వసూలు చేయాలంటే రోబో సినిమా కంటే పెద్ద హిట్ అవ్వాలని విశ్లేషకులు అంటున్నారు. మరో అవతార్ సినిమాతో పోల్చుతున్న ఈసినిమా ఏ మేరకు అలరిస్తుందో చూడాలి.