శేఖర్ కమ్ములకు పది లక్షల ఫైన్

Posted: 03/04/2014 08:21 PM IST

టాలీవుడ్ లో ఇంటలెక్చువల్ డైరెక్టర్ గా పేరు తెచ్చుకున్న శేఖర్ కమ్ముల సినిమాలు చాలా నెమ్మదిగా చేస్తాడనే పేరుంది. ‘అలస్యం అవ్రుతం విషం ’ అనే సామెత మాదిరి ఈ దర్శకుడికి ఆలస్యం విషంగా మారింది. ఇటీవల ఈయన తెరకెక్కించిన ‘అనామిక ’ షూటింగును అనుకున్న టైంలో పూర్తి చేయనందుకు సదరు నిర్మాణ సంస్థ ఈయన చేత పది లక్షల ఫైన్ కట్టించుకుందట.

ఈ సినిమాని ఎండమోల్ ఇండియా లాగ్ లైన్ ప్రొడక్షన్స్ అనే ముంబై కార్పోరేట్ సంస్థ నిర్మిస్తుంది. ఈ సంస్థతో ముందుగా చేసుకున్న అగ్రిమెంట్ ప్రకారం యాభై అయిదు రోజుల్లోనే సినిమా తీయాలి. కానీ అనుకున్న దానికంటే వారం రోజులు ఎక్కువ సమయం పట్టడంతో ఆ వారం రోజులకు అయిన ఖర్చును  ప్రొడక్షన్ కాస్ట్ ని డైరెక్టర్ నే భరించమని మొహమాటం లేకుండా చెప్పేశారట. దీంతో శేఖర్ కమ్ముల ఆ ఖర్చును భరించాడట.

ఈ విషయం తెలుసుకున్న తెలుగు నిర్మాణ సంస్థలు తమతో చెప్పిన టైం కంటే శేఖర్ కమ్ముల నెలలకు నెలలే డీలే చేశాడు. వాటికి మేమెంత ఫైన్ వేయాలి. ఆ లెక్కన చూసుకుంటే తెలుగులో సినిమాల్ని శిల్పంలా చెక్కే జక్కన్నకు ఇంకెంత ఫైన్ వేయాలి అని అనుకుంటున్నారు. పరిస్థితుల ప్రభావమో లేక ఇంకేదైనా కారణమో కానీ వారం రోజులు డిలే అయినందుకు పది లక్షలు ఫైన్ వేయడం సరికాదని అంటున్నారు.