వరుణ్ తేజ్ గొల్లభామా ? ఆరడుగుల బుల్లెట్టా ?

Posted: 02/25/2014 12:06 PM IST

మెగా బ్రదర్ నాగబాబు తనయుడు వరుణ్ తేజ్ డెబ్యూట్ మూవీ లాంచ్ ఈనెల 27వ తేదీన మెగా ఫ్యామిలీ పెద్దలు, హీరోలతో పాటు సినీ రంగానికి చెందిన ప్రముఖుల సమక్షంలో రామానాయుడు స్టూడియోలో ప్రారంభించడానికి ముహూర్తాన్ని ఫిక్స్ చేసిన విషయం తెలిసిందే. వాస్తవానికి ఎన్నడో ప్రారంభం కావాల్సిన ఈ సినిమా వాయిదాల మీద వాయిదాలు పడుతూ వచ్చింది.

శ్రీకాంత్ అడ్డాల దర్శకత్వంలో తెరకెక్కబోయే ఈ సినిమాకు టైటిల్ గా ‘గొల్లభామ ’ అనే పేరును ఖరారు చేసినట్లు మొదటి నుండి వార్తలు వినిపిస్తున్న సంగతి తెలిసిందే. ఇప్పుడు ఆ టైటిల్ విషయంలో కాస్త డైలామా ఏర్పడిందని అంటున్నారు. ఈ టైటిల్ విషయంలో నాగబాబు కాస్తంత అసంత్రుప్తితో ఉన్నాడని, ‘గొల్లబామ ’కు బదులు ‘ఆరడుగుల బుల్లెట్ ’ అయితే  మాస్  పరంగా బాగుంటుందని ఆయన ఫీలవుతున్నాడట.

ఇప్పటికే ఆ పేరుతో బీవీఎస్ఎస్ ప్రపాద్ ఫిలించాంబర్లో ఓ టైటిల్ ను రిజిస్ట్రర్ చేయించాడు. ఒకవేళ నాగబాబు పట్టుబడితే ప్రసాద్ పవన్ దగ్గర పర్మిషన్ తీసుకొని ఇవ్వడానికి సిద్దంగా ఉన్నా, దర్శకుడు రాసుకున్న కథకు తగ్గట్లు ఈ టైటిల్ సరిపోకపోతే, దానికి శ్రీకాంత్ అడ్డాల ఒప్పుకుంటాడా లేదా అన్నది ఇక్కడ ప్రశ్న.