వెంకీ - పవన్ టైటిల్ ఇదే

Posted: 02/16/2014 06:31 PM IST

టాలీవుడ్ లో ‘సీతమ్మ వాకిట్లో సిరిమల్లె చెట్టు ’ సినిమా  వెంకీ, మహేష్ లతో  మొదలైన మల్టీ స్టారర్ ట్రెండ్ ఇప్పుడు ఊపందుకుంది. ఆ సినిమా తరువాత వెంకీ, రామ్ జంటగా ‘మసాలా ’ చిత్రం వచ్చింది. ఇప్పుడు పలు ఫ్యామిలీ మల్టీ స్టారర్ చిత్రాలే కాకుండా, రామ్ చరణ్ చేసే మల్టీ స్టారర్ చిత్రం కూడా సెట్స్ పై ఉంది. అదీ కాకుండా వెంకటేష్ , పవన్ కాంబినేషన్లో బాలీవుడ్ సూపర్ హిట్ చిత్రం ‘ఓ మై గాడ్ ’ చిత్రాన్ని తెలుగులో రీమేక్ చేయడానికి భారీ సన్నాహాలు చేస్తున్న విషయం తెలిసిందే.

ఈ సినిమాను సురేష్ ప్రొడక్షన్స్ నిర్మిస్తుందని అధికారిక ప్రకటన కూడా చేశాడు సురేష్ బాబు. దీనికి సంబంధించిన గ్రౌండ్ వర్క్ శరవేగంగా జరుగుతుంది. ఈ సినిమాలో పవన్ వేసే క్రుష్ణుడి పాత్రకు భారీ పారితోషికం కూడా ఇవ్వబోతున్నట్లు కూడా వార్తలు వచ్చాయి. ఇప్పుడు ఈ సినిమాకు టైటిల్ కూడా సురేష్ బాబు ఫిలిం చాంబర్ లో రిజిష్టర్ చేసినట్లు సమాచారం.

ఫిలింనగర్ అందుతున్న సమాచారం ప్రకారం ఈ చిత్రానికి టైటిల్ గా ‘ఓరి దేవుడా ’ రిజిష్ట్రర్ చేశారని అంటున్నారు. డాలి దర్శకత్వం వహించబోతున్న ఈచిత్రం టైటిల్ ఇదా కాదా అనేది అధికారిక ప్రకటన వస్తే గానీ తెలియదు. ఇక ఈ సినిమాలో పవన్ సరసన బాలీవుడ్ హీరోయిన్ వాణీ కపూర్ ని సంప్రదించినట్లు, దానికి ఆమె నుండి గ్రీన్ సిగ్నల్ వచ్చికూడా వచ్చినట్లు చెబుతున్నారు.

Knr