అల్లు అర్జున్ ‘రేసుగుర్రం ’ రిలీజ్ డేట్

Posted: 01/29/2014 11:06 AM IST

అల్లు అర్జున్ గెస్ట్ రోల్ పోషించిన ‘ఎవడు ’ సినిమా మంచి హిట్ అవ్వడంతో ఇప్పుడు తన సొంత సినిమా  ‘రేసు గుర్రం ’ పై ద్రుష్టి సారించాడు. సురేందర్ రెడ్డి దర్శకత్వంలో తెరకెక్కుతున్న ఈ సినిమాను మొదట సంక్రాంతి రేసులో నిలపాలని చూసినా, చరణ్, తను కలిసి నటించిన ‘ఎవడు ’ సినిమా అప్పుడే విడుదల అవుతుంది కాబట్టి థియేటర్స్ ప్రాబ్లమ్స్ తో రేసునుండి తప్పుకున్న ఈ సినిమా ను ఏప్రిల్ నాల్గవ తేదీన విడుదల చేయబోతున్నట్లు చిత్ర యూనిట్ ప్రకటించింది.

ప్రస్తుతం శరవేగంగా షూటింగు జరుపుకుంటున్న ఈ సినిమా షూటింగు ఓ పాట మినహా మొత్తం పూర్తయ్యింది. శ్రుతి హాసన్ హీరోయిన్ గా, సలోని సెకండ్ హీరోయిన్ గా నటిస్తున్న ఈ సినిమా పోస్ట్ ప్రొడక్షన్ కార్యక్రమాలు కూడా మొదలు పెట్టుకుంది. ఫిబ్రవరి 15 తేదీ నుండి చివరి పాట చిత్రీకరణ పూర్తి చేసుకున్న తరువాత ఆడియో తేదీని ప్రకటించనున్నారు. తమన్ సంగీతం అందిస్తున్న ఈ సినిమాలో భోజ్ పురి నటుడు రవి కిషన్ ఇందులో ప్రధాన విలన్ పాత్రను పోషిస్తున్నాడు.