బాలయ్యకు జూనియర్ భయపడ్డాడ ?

Posted: 01/28/2014 03:25 PM IST

జూనియర్ ఎన్టీఆర్ సంతోష్ శ్రీనివాస్ దర్శకత్వంలో నటిస్తున్న ‘రభస ’ చిత్రం మార్చి చివరి వారంలో  (మార్చి28) విడుదల చేయాలని ఇప్పటి వరకు అనుకున్నారు. కానీ ఇప్పుడు విడుదల తేదీని మార్చినట్లు సమాచారం. చిత్ర యూనిట్ సభ్యుల సమచారం ప్రకారం ఈ చిత్రం షూటింగు కొన్ని కారణాల వల్ల షెడ్యూలు ప్రకారం జరగ లేక పోవడంతో విడుదల నెల రోజులు వాయిదా పడే అవకాశం ఉన్నట్లు చెబుతున్నారు. ఈ సినిమాను ‘మే ’ 1వ తేదీన కానీ, 9వ తేదీన కానీ విడుదల చేయాలని నిర్ణయించుకున్నట్లు చెబుతున్నారు.

అయితే సినీ జనాలు మాత్రం దీనికి వేరే కారణాలు చెబుతున్నారు. నందమూరి నట సింహం బాలయ్య బోయపాటి శీను దర్శకత్వంలో వస్తున్న ‘లెజెండ్ ’ సినిమా అదే రోజు విడుదల అవుతుండటం, గతంలో ‘సింహా ’ లాంటి బ్లాక్ బ్లస్టర్ హిట్ ఇచ్చిన దర్శకుడు కావడంతో అసలే ప్లాపులతో ఉన్న ఎన్టీఆర్ ‘లెజెండ్ ’ కి భయపడి వెనక్కి వెళ్లాడని బాలయ్య అభిమానులు అనుకుంటున్నారు. ఇక ‘రభస ’ చిత్రంలో ఎన్టీఆర్ కి జోడిగా సమంతా, ప్రణీత కథా నాయికలుగా నటిస్తున్నారు. గత కొంత కాలం నుండి సరైన హిట్ లేక బాధ పడుతున్న ఎన్టీఆర్ ఈ చిత్రం పై భారీ ఆశలే పెట్టుకున్నాడు.