కొచ్చాడయాన్ విడుదల తేదీ ఖరారు

Posted: 01/05/2014 04:23 PM IST

సౌత్ ఇండియా సూపర్ స్టార్ రజినీకాంత్ తన కూతురు సౌందర్య దర్శకత్వంలో చేస్తున్న ‘కొచ్చాడయాన్ ’ సినిమా గత రెండేళ్ళుగా ప్రేక్షకుల ముందుకు రావాలా ? వద్దా అని దోబూచులాడుతున్న ఈ సినిమా ఎట్టకేలకు మరో మూడు నెలల తరువాత అంటే ఏప్రిల్ 14వ తేదీన తమిళ సంవత్సరాది పండుగను పురస్కరించుకొని ప్రేక్షకుల ముందుకు తీసుకొని రావాలని చిత్ర యూనిట్ భావిస్తోంది.

ఇప్పటికే చాలా రోజుల నుండి వాయిదాలు వేస్తూ వస్తున్న ఈ సినిమా  ఆడియోను కూడా ఫిబ్రవరి 15 వ తేదీన విడుదల చేయాలని దర్శక నిర్మాతలు భావిస్తున్నారు. ఏఆర్ రెహ్మాన్ మ్యూజిక్ అందించిన ఈ సినిమా ఆడియో హక్కుల్ని ప్రముఖ కంపెనీ సోని మ్యూజిక్ ఈ ఆడియో కార్యక్రమాన్ని అంగరంగ వైభవంగా నిర్వహించడానికి ప్లాన్ చేస్తున్నారు.

ఇన్ని రోజులు వాయిదా పడటానికి ఈ సినిమాకు భారీ గ్రాఫిక్స్ ఉండటమే అని, ఆ పని వల్లే వాయిదా పడుతూ వచ్చిందని, ఈ సినిమాలో ఎలాంటి సూక్ష్మ లోపాలు లేకుండా జాగ్రత్తగా తీర్చి దిద్దుతున్నారని సమాచారం. భారీ వ్యయంతో రూపొందుతున్న ఈ సినిమా పై ప్రేక్షకుల్లోనే కాకుండా సినిమా ఇండస్ట్రీ వారు ఆసక్తితో ఎదురు చూస్తున్నారు.

రజనీకాంత్ కూతురు సౌందర్య దర్శకత్వం వహించిన ఈ చిత్రం తెలుగులో ‘విక్రమసింహా ’ పేరుతో విడుదల కానుంది. కానీ సినీ జనాలు మాత్రం ఈ సినిమా ఆరోజైనా విడుదల అవుతుందో లేదో చూడాలంటున్నారు.