‘ఎవడు ’ కొత్త ట్రైలర్ అదిరింది

Posted: 01/04/2014 03:35 PM IST

రామ్ చరణ్ హీరోగా నటించిన ‘ఎవడు ’ సినిమా ప్రేక్షకుల ముందుకు ఎప్పుడో రావాల్సి ఉన్నా, కొన్ని ప్రతికూల పరిస్థితుల మధ్య వాయిదా పడిన విషయం తెలిసిందే. ఈ సినిమాను డిసెంబర్ లో విడుదల చేస్తామని చెప్పిన సెంటిమెంటు ప్రకారం సంక్రాంతికి ప్రేక్షకుల ముందుకు తీసుకురాబోతున్నారు.

నివార్య కారణాలవల్ల వాయిదా పడ్డం, సినిమాపై అంచనాలు తగ్గిపోవడం తెల్సిన విషయాలే. మళ్ళీ సినిమాపై హైప్‌ పెంచడానికోసం, నిర్మాత ఈ సినిమాకు విపరీతమైన పబ్లిసిటీ కల్పిస్తున్నాడు. ఇప్పటి వరకు రెండు టీజర్లను విడుదల చేసిన నిర్మాత దిల్ రాజు తాజాగా రామ్ చరణ్ తేజ్ తో సంధ్య థియేటర్ లో కొత్త ట్రైలర్ ని విడుదల చేయించాడు.

ఈ కార్యక్రమానికి పెద్ద ఎత్తున జనం తరలి రావడమే కాకుండా, విడుదల చేసిన కొత్త ట్రైలర్ కి మాస్ ఆడియన్స్ నుండి మంచి రెస్పాన్స్ వస్తుంది. ఇఫ్పటి   వరకు విడుదల చేసిన ట్రైలర్స్ కి వచ్చిన రెస్పాన్స్ కంటే ఈ ట్రైలర్ కి రెట్టింపు స్థాయి రెస్పాన్స్ రావడంతో చిత్ర యూనిట్ యమ కాన్ఫిడెంట్ గా ఉంది. తాజాగా విడుదలైన ట్రెయిలర్‌తో సినిమాపై ఉన్న అంచనాల్ని పెంచగలిగాడు.

యాక్షన్‌, మాస్‌ ఎలిమెంట్స్‌ పుష్కలంగా ఉన్న ఈ సినిమా యాక్షన్ థ్రిల్లర్ గా వస్తున్న ‘1’ తో పోటీకి సిద్దమైంది.  మరి ఈ ఇద్దరిలో సంక్రాంతి పోటీలో ఎవరు పై చేయి సాధిస్తారో చూడాలి.