అత్తారింటికి 100 మాటేమిటి ?

Posted: 01/04/2014 09:36 AM IST

Attarintiki daredi 100 days celebrations posters

పవర్ స్టార్ పవన్ కళ్యాణ్ హీరోగా, త్రివిక్రమ్ శ్రీనివాస్ దర్శకత్వంలో ప్రముఖ నిర్మాత బీవీయస్ ఎస్ ప్రసాద్ నిర్మాణ సారథ్యంలో తెరకెక్కిన ‘అత్తారింటికి దారేది ’ సినిమా టాలీవుడ్ పెద్ద ఘన విజయాన్ని సాధించి ఇండస్ట్రీలోని ఆల్ టైం రికార్డుల్ని బద్దలు కొట్టిన విషయం తెలిసిందే. సెప్టెంబర్ 27 న విడుదల అయిన ఈ సినిమా 32 సెంటర్లలో 100 రోజులు పూర్తి చేసుకుంది.

ఈ సందర్భంగా నిర్మాత తన ఆనందాన్ని వ్యక్తం చేస్తూ.... ‘100 సంవత్సరాల చరిత్ర ... 100 రోజుల వేడుక ’ పేరుతో వాల్ పోస్టర్ ని విడుదల చేశారు. తొలి ఆట నుండే హిట్ టాక్ తెచ్చుకున్న ఈ చిత్రం దేశ, విదేశాల్లో కూడా రికార్డులు బద్దలు కొట్టింది. ఈ సందర్భంగా మాట్లాడిన నిర్మాత ఆ సినిమా కలెక్షన్ల గురించి కానీ, ఎంత వసూలు చేసిందనేది మాత్రం ఎక్కడ ప్రస్తావించలేదు.

టాలీవుడ్ లో తొలిసారి వంద కోట్ల కబ్బులోకి వెళుతుందని డబ్బా కొట్టుకున్న చిత్ర యూనిట్ సభ్యులు ఇప్పుడు మాత్రం ఆ మాటెత్తలేదు. వందరోజులైతే పూర్తి చేసుకుంది కానీ, వందకోట్ల మాటేమిటి అని ప్రశ్నిస్తే సమాధానం లేదు. సినీ ట్రేడ్ వర్గాల నుండి అందుతున్న సమాచారం ప్రకారం

ఈ సినిమా మగధీర కలెక్షన్లను బీట్ చేసి, అధనంగా మరో 5 కోట్లు వసూలు చేసిందని, అంటే మొత్తంగా 85 కోట్లు మాత్రమే రాబట్టిందని, వంద కోట్ల క్లబ్బుకు చేరడం అసాధ్యం అని అంటున్నారు. మరి టాలీవుడ్ లో 100 కోట్ల క్లబ్బును తాకే తొలి సినిమా ఏదవుతుందో ?