గోవా బ్యూటీ చరణ్ సినిమాలో

Posted: 12/13/2013 01:20 PM IST

గోవా బక్కపల్చని భామ ఇలియానా ఇటీవలి కాలంలో పట్టిందల్లా బంగారం అవుతుంది. ప్రస్తుతం పలు బాలీవుడ్ భారీ ప్రాజెక్టుల్లో నటిస్తున్న ఈ అమ్మడు టాలీవుడ్ లో మిగిలి ఉన్న మెగా హీరో పక్కన ఛాన్స్ కొట్టేసిందని వార్తలు వస్తున్నాయి. మెగా హీరో రామ్ చరణ్ త్వరలో నటించబోయే మల్టీ స్టారర్ చిత్రంలో ఈ అమ్మడు నటించడానికి గ్రీన్ సిగ్నల్ ఇచ్చిందని అంటున్నారు. మొదట చరణ్ సరసన కొత్త అమ్మాయిని పెట్టుకోవాలని చూసిన దర్శకుడికి అతని సూటయ్యే అమ్మడు దొరక్కపోవడంతో ఇల్లూ బేబీని అప్రోచ్ అయ్యాడని అంటున్నాడు.

మొన్నటి వరకు చరణ్ సరసన ఛాందిని చౌదరి అనే అమ్మాయిని తీసుకున్నారని వార్తలు వచ్చినా అధికారికంగా కన్ఫర్మ్ చేయలేదు. గతంలో మెగా హీరోలతో చేసిన అనుబవం ఉన్న ఇల్లూ ఆ సినిమాల్లోని పాత్రకు కరెక్టుగా సరిపోతుందని క్రిష్ణ వంశీ ఆమె వైపే మొగ్గుచూపుతున్నాడని అంటున్నారు. ఒకవేళ ఇదే నిజమైతే ఇల్లూ బేబి మెగా హీరోలతో నటించిన భామగా క్రిడిట్ దక్కించుకుంటుంది.