అత్తారింటికి అదిరిపోయే రేటు

Posted: 11/30/2013 11:43 AM IST

Attarintiki daredi remake rights 4 5 crores

తెలుగులో మంచి విజయం సాధించిన సినిమాలకు తమిళ మార్కెట్ లో మంచి డిమాండ్ ఉంది. ముఖ్యంగా స్టార్ హీరోల సినిమాలకు అయితే వేరే చెప్పాల్సిన అవసరం లేదు. వారి సినిమాల రీమేక్ హక్కుల్ని ఎంతైనా పెట్టి కొనడానికి ముందుకు వస్తారు.

ఇప్పుడు వపన్ కళ్యాణ్ - త్రివిక్రమ్ కాంబినేషన్లో ఇటీవల వచ్చిన ‘అత్తారింటికి దారేది ’ సినిమా తెలుగు ఇండస్ట్రీ చరిత్రలోనే ఘన విజయం సాధించి, అత్యదిక వసూళ్ళు సాధించిన సినిమాగా నిలిచిన విషయం తెలిసిందే. ఇప్పటికే నిర్మాతకు భారీ లాభాలను తెచ్చిపెట్టిన ఈ సినిమా ఇంకా కాసులు కురిపిస్తూనే ఉంది. తాజాగా ఈ సినిమా తమిళ రీమేక్ హక్కులను స్టార్ హీరో విజయ్ అత్యథికంగా 4.5 కోట్లు చెల్లించి తీసుకున్నట్లు సినిమా వర్గాల్లో వార్తలు వినిపిస్తున్నాయి.

సినిమా విడుదలయి హిట్ టాక్ తెచ్చుకున్నప్పుడే ఈ హీరో రైట్స్ తీసుకోవడానికి ఆసక్తి చూపుతున్నాడని అన్నారు. అన్నట్లే ఈ సినిమాను విజయ్ దక్కించుకున్నట్లు సమాచారం. హీరో కమ్ బిజినెస్ మెన్ అయిన విజయ్ తనే ఈ సినిమాను వేరే వారి ద్వారా కొనిపించాడని అంటున్నారు. ఈ సినిమాకు ఎవరు దర్శకత్వం వహిస్తారు ? హీరోయిన్స్ ఎవరనేది త్వరలో అధికారిక ప్రకటన రాబోతుందని అంటున్నారు.