శ్రీకాంత్ అడ్డాలతో మహేష్ సింగిల్ గా

Posted: 10/28/2013 03:12 PM IST

‘కొత్త బంగారు లోకం ’ సినిమాతో కొత్త కొత్తగా ఇండస్ట్రీకి ఎంట్రీ ఇచ్చి ఆ సినిమాను కొత్త కాన్సెప్ట్ తో తెరకెక్కించి మంచి ఘనవిజయం సాధించి, టాలీవుడ్ లో కనుమరుగు అయిన మల్టీ స్టారర్ చిత్రాల్ని ఈ జనరేషన్ వాళ్ళకి ‘సీతమ్మ వాకింట్లో సిరిమల్లె చెట్టు ’ సినిమాతో మళ్ళీ కొత్తగా పరిచయం చేసిన అందరి మన్నననుల పొందిన  శ్రీకాంత్ అడ్డాల ఆ సినిమా తరువాత ఇంత వరకు ఏ సినిమాను అనౌన్స్ చేయలేదు. ఆ మధ్యన నాగబాబు కొడుకుతో, పవన్ కళ్యాణ్ తో , చరణ్ తో సినిమా చేయబోతున్నాడని ఇలా రకరకాల వార్తలు వచ్చాయి. కానీ అవేవి కార్యరూపం దాల్చలేదు.

తాను రాసుకున్న కథలను పట్టుకొని స్టార్ హీరోల చుట్టూ తిరిగినా ఎలాంటి హామీ ఇవ్వకపోవడంతో ఇటీవలే ప్రిన్స్ మహేష్ బాబుకు అదే స్టోరీ వినిపించాడట. ఈ స్టోరీ విన్న వెంటనే మహేష్ శ్రీకాంత్ కి  గ్రీన్ సిగ్నల్ ఇచ్చాడని టాలీవుడ్ లో ప్రచారం జరుగుతుంది. సీతమ్మ వాకింట్లో చేస్తున్నప్పుడే శ్రీకాంత్ పని తనాన్ని మెచ్చిన మహేష్ మరో సినిమా తీస్తానని హామీ ఇచ్చాడట. ఇప్పుడు తనకు నచ్చిన కథను వినిపించిన వెంటనే ఒప్పేసుకున్నాడని, కాంత్ టాలెంట్, స్టైల్ ఆఫ్ డైరెక్షన్‌ని గుర్తించిన మహేష్ ఈ ఛాన్స్ ఇచ్చినట్లు కూడా చెబుతున్నారు. మెగా హీరోల చుట్టు తిరిగి తిరిగి కాళ్ళరిగిన శ్రీకాంత్ ఇక వారితో సినిమాలు చేయవద్దని డిసైడ్ అయ్యాడని, అందుకే నాగబాబు కొడుకు ప్రాజెక్ట్ నుండి తప్పుకున్నాడని అంటున్నారు.

ఇక మహేష్ తో ఈ సారి చేయబోయే సినిమా సింగల్ స్టార్ సినిమానే అని, ఈ సినిమాను మహేష్ సినిమాలను ప్రొడ్యూస్ చేస్తున్న 14 రీల్స్ ఎంటర్ టైన్ మెంట్ సంస్థ దీన్ని నిర్మించబోతుందని, ప్రస్తుతం మహేష్ చేతిలో ఉన్న సినిమాలు పూర్తి అయిన తరువాత ఈ సినిమా సెట్స్ పైకి వెళుతుందని సమాచారం. మరి అప్పటి వరకు శ్రీకాంత్ ఖాళీగా ఉంటాడా ? లేక ఇంకేదైనా సినిమా చేస్తాడో చూడాలి.