బుడ్డోడి డైలాగ్ పై దర్శకుడు వివరణ

Posted: 10/10/2013 11:14 AM IST

‘గబ్బర్ సింగ్ ’ సినిమాతో స్టార్ డైరెక్టర్ గా మారిన హరీష్ శంకర్ టాలీవుడ్ యంగ్ టైగర్ ఎన్టీఆర్ తో ‘రామయ్యా వస్తావయ్యా ’ సినిమా తీసిన విషయం తెలిసిందే. ఈ సినిమా అన్ని కార్యక్రమాలను పూర్తి చేసుకొని రేపు ప్రపంచ వ్యాప్తంగా విడుదలకు సిద్ధం అయింది. ఇప్పటికే ఆడియోకి మంచి టాక్ రావడంతో సినిమా పై భారీ అంచనాలే ఏర్పడ్డాయి. ఈ సినిమా విడుదలకు సిద్దమైన సందర్భంలో ఈ సినిమాలో హరీష్ శంకర్ రాసిన ఓ పవర్ ఫుల్ డైలాగ్  ఎందుకు రాయాల్సి వచ్చిందో చెప్పుకొచ్చాడు.

నేను ఎన్టీఆర్‌తో సినిమా చేస్తున్నానని తెలియగానే చాలామంది ‘బుడ్డోడితో సినిమా చేస్తున్నావట’ అంటూ మెసేజ్‌లు పంపించారు. బుడ్డోడు అని అభిమానంగా అన్నప్పటికీ, అదే పదంతో లెక్కలేనన్ని మెసేజ్‌లు రావడంతో అసహనానికి గురయ్యాను. ఆ అసహనం నుంచి పుట్టినదే ‘బుడ్డోడు బుడ్డోడు అంటే గుడ్డలూడదీసి తంతా.’ అనే డైలాగ్, అంతే కానీ ఇది కావాలని ఎవర్నీ ఉద్దేశించి పెట్టింది కాదు ’ ఈ సినిమాలో ఎన్టీఆర్ డ్యాన్స్ లు అదరగొడతాయని, ఇందులో ఎన్టీఆర్ కాలేజీ స్టూడెంట్ గా కనిపిస్తాడని, కథానాయికకు ఎక్కువ ప్రాధాన్యత ఉండదని చెప్పుకొచ్చాడు. చూద్దాం ఈ సినిమా ప్రేక్షకుల్ని ఏ మేరకు మెప్పిస్తుందో ?