సమంతా మనస్సు మరోసారి ఆయన్నే

Posted: 10/02/2013 04:23 PM IST

టాలీవుడ్ లో ప్రస్తుతం ఈ అమ్మడు వెరీ హాట్. ఈమె కోసం దర్శక నిర్మాతలు ఎంత కాలం అయినా వెయిట్ చేసి బుక్ చేసుకునేందుకు క్యూలో వెయిట్ చేస్తున్నారు. ఎవరా అమ్మడు అనుకుంటున్నారా ? ఇంకెవరు క్యూట్ గాళ్ సమంతా. ఈమెకు ఎందుకంత క్రేజ్ అంటే... ఈమె నటించిన సినిమాలు ఫుల్ సక్సెస్ కావడం, కలెక్షన్లు యాభై కోట్లు దాటినా ఈమె రేటు పెంచకుండా ఉండటమే. ఇప్పటికే ఈమె నటించిన దూకుడు, ఈగ, సీతమ్మవాకిట్లో సిరిమల్లెచెట్టు వంటి చిత్రాలు యాభైకోట్లు వసూలు చేశాయి.

టాలీవుడ్ లో ఏ హీరోయిన్ నటించిన సినిమాలు ఇలా వరుసగా యాభై కోట్లు  వసూలు చేయలేదు.ఇలా సాధించిన మొదటి హీరోయిన్ క్రిడిట్ సమంతాకే దక్కుతుంది. ఇప్పుడు ఈమె నటించిన ‘అత్తారింటికి దారేది ’ చిత్రం వారం రోజుల్లోనే యాభై కోట్లకు చేరువైంది. దీంతో దర్శక నిర్మాతలు ఈఅమ్మడును సెంటిమెంటుగా భావిస్తున్నారు. కానీ సమంతా తనకు డేట్లు ఖాళీగా ఉన్నంత వరకే కాల్షీట్లు ఇస్తుందట. ఏది ఏమైనా సమంతా లక్కీ అంటున్నారు మిగతా ముద్దుగుమ్మలు. ఇక ఈ సినిమా విజయాన్ని బాగా ఎంజాయే చేస్తున్నానని చెప్పిన సమంతా వీలైతే మరోసారి పవన్ తో చేయాలని ఉందని చెప్పింది. మరి గబ్బర్ సింగ్ -2లో ఈ అమ్మడుకు పవన్ ఛాన్సిస్తాడో లేదో చూడాలి.