జక్కన్నకు వంద అవార్డులు

Posted: 09/14/2013 02:28 PM IST

టాలీవుడ్ దర్శకధీరుడిగా పేరు తెచ్చుకున్న రాజమౌళికి వంద అవార్డులు వచ్చాయి. ఆయన తీసింది కొన్ని సినిమాలే కదా ? ఇంత వరకు ఏ దర్శకుడి కూడా వంద అవార్డులు రావడం ఏంటి ? అనేగా మీ డౌట్. విషయం ఏంటంటే... ప్రస్తుతం రాజమౌళి భారీ బడ్జెట్ తో ప్రతిష్టాత్మకమైన ‘బహుబలి ’ చిత్రాన్ని తెరకెక్కిస్తున్న విషయం తెలిసిందే. ఈ సినిమా షూటింగు కోసం రామోజీ ఫిలిం సిటీలో భారీ సెట్స్ ను వేశారు. సెట్స్ ను చూసిన రామోజీ...  రాజమౌళిని ప్రశంసలతో ముంచెత్తారు. ఇటీవల తాను బాహుబలి షూటింగు జరుగుతున్న సెట్స్ కి వెళ్ళడం జరిగిందనీ, అక్కడ సెట్స్ రూపంలో సృష్టించిన కళా దృశ్యాలను చూసి, ఆ క్రియేటివిటీకి పరవశించిపోయాననీ రామోజీరావు రాజమౌళికి ఓ లేఖ ను పంపుతూ ప్రశంసించారు. అద్భుతమైన సెట్స్ వేసిన శిబు సిరల్ పనితనం ఎంతో ఆకట్టుకుందనీ, ఇంతటి అద్భుతమైన చిత్రం షూటింగు తమ ఫిలిం సిటీలో చేస్తున్నందుకు గర్వంగా ఉందనీ ఆయన పేర్కొన్నారు. ఈ లేఖ ను అందుకున్న రాజమౌళి ఇప్పుడు మేఘాల్లో తేలిపోతూ... ఆనందాన్ని తన ఫాలోవర్స్ తో పంచుకున్నాడు. రామోజీ పంపిన లేఖను ట్విట్టర్ లో పోస్ట్ చేశారు. ఈ లేఖ నాకు వంద అవార్డుల తో సమానం అని చెప్పాడు. ఇదండీ వంద అవార్డుల సంగతి.