షాహిద్ కపూర్ తో కెమిస్ట్రీ అదిరింది

Posted: 09/10/2013 01:12 PM IST

Chocolate boy look works for shahid says ileana

సినిమా తారలు ‘ఏ ఎండకు ఆ గొడుకు పడతారు ’ అవకాశాలు రాబట్టుకోవడానికి అవకాశం వస్తే హీరోలను పొగిడేస్తారు. ఈ సూత్రం గోవా బ్యూటీకి బాగా అబ్బింది. ప్రస్తుతం తెలుగు అవకాశాలు లేకుండా పోయిన ఈ అమ్మడు బాలీవుడ్ లో అడపాదడపా సినిమాల్లో అవకాశాలు సంపాదించుకుంటుంది. ప్రస్తుతం ఈ అమ్మడు బాలీవుడ్ హీరో షాహిద్ కపూర్ సరసన ‘ఫటా పోస్టర్ నిక్లా హీరో ’ చిత్రంలో నటించింది. ఈ చిత్ర ప్రమోషన్ కార్యక్రమంలో పాల్గొంటున్న ఇలియానా షాహిద్ తో కెమిస్ట్రీ బాగా వర్కవుట్ అయిందని, తెర పై రొమాన్స్ అద్భుతంగా పడిందని, ఈ చిత్రంలో షాహిద్ టాక్టెట్ బాయ్ లుక్స్, ఇమేజ్ ఈ చిత్రానికి బాగా ప్లస్ అవుతాయని పొగడ్తలతో ముంచేసింది. ఈ చిత్రంలో షాహిద్ పాత్ర ప్రత్యేకమైందని, యాక్షన్, కామెడీ, డ్రామా, రొమాన్స్ అంశాలు అభిమానుల్ని అలరిస్తాయని చెప్పుకొచ్చింది. సెప్టెంబర్ 20 తేదిన విడుదలవుతున్న ఈ చిత్రానికి రాజ్ కుమార్ సంతోషి దర్శకత్వం వహించారు. ఇలియానా మాటలకు పడిపోయి షాహిద్ తరువాతి సినిమాలో అవకాశం ఇస్తాడో లేదో చూడాలి.