తెలంగాణ శంకర్ తో కమల్ హాసన్

Posted: 08/31/2013 10:41 AM IST

సినిమా ఇండస్ట్రీకి వచ్చి చాలా సంవత్సరాల కాలంలో తీసింది కొన్ని సినిమాలే అయినా వాటికి నేషనల్ అవార్డ్స్, నంది అవార్డు లాంటి ప్రతిష్టాత్మకమైన అవార్డులు అందుకును దర్శకుడు ఎన్. శంకర్ కి ఇప్పుడు బంపర్ ఆఫర్ తగిలినట్లు టాలీవుడ్ వర్గాల సమాచారం. జయం మనదేరా, భద్రాచలం, జైబోలో తెలంగాణ సినిమాలు తీసిన శంకర్ ఇప్పుడు విలక్షణ నటుడు కమల్ హాసన్ తో దాదాపు 60 కోట్ల బడ్జెట్ తో భారీ సినిమాను తెరెక్కెక్కించే ప్రయత్నాలు మొదలు పెట్టినట్లు వార్తలు. ఇప్పటికే కమల్ కి కథను కూడా వినిపించాడట. దానికి కమల్ నుండి సానుకూల స్పందన రావడటమే కాకుండా, కొన్ని చేర్పులు మార్పులు చేసుకొని రమ్మని సూచించాడట. ఈ సినిమాను ఏకకాలంలో రెండు భాషల్లో నిర్మించడానికి సన్నాహాలు చేస్తున్నారట. సాధారణ ప్రతిభతో అవార్డులు గెలుచుకున్న శంకర్ కి కమల్ నుండి గ్రీన్ సిగ్నల్ రావడం అంటే మామూలు విషయం కాదు. ఈ చిత్రంలో కమల్‌ని సరికొత్త లుక్‌లో చూపించబోతున్నారట. ఇదొక యాక్షన్ అడ్వంచర్ మూవీ అని, ఇందులో లవ్‌స్టోరీ కూడా ఉంటుందని తెలిసింది. సినిమా సహజత్వానికి దగ్గరగా ఉంటుందట. వీరిద్దరి కలయికలో వస్తున్న ఈ చిత్రానికి ఎన్ని అవార్డులు వస్తాయో చూడాలంటున్నారు.