మోడీ సినిమా బడ్జెట్ 40 కోట్లు

Posted: 08/26/2013 07:21 PM IST

Mitesh patel to make film on narendra modi

ఇటీవలి కాలంలో బాలీవుడ్ లో, టాలీవుడ్ లో సమాజంలో జరిగిన యధార్థ సంఘటన ఆధారంగా కానీ, ఒక వ్యక్తి జీవిత చరిత్ర పైగానీ ఎక్కువగా సినిమాలు వస్తున్నాయి. ఇక ఆ కథకు కమర్షియల్ హంగులు జోడించి కాసులు కొల్లగొట్టుకుంటున్నారు. ఇటీవల బాలీవుడ్ లో సిల్క్ స్మిత జీవిత కథ ఆదారంగా, మిల్కా సింగ్ ఆధారంగా సినిమా తీస్తే కలెక్షన్ల వదర ఏ విధంగా పారిందో అందరికి తెలిసిందే. ఇప్పుడు సినీ, క్రీడా రంగానికి చెందిన వ్యక్తుల గురించి కాకుండా ప్రముఖ రాజకీయ నాయకుడి జీవితం ఆధారంగా ఓ సినిమాను తెరకెక్కించే ప్రయత్నాలు మొదలు పెట్టారు. వారెవరో కాదు. ప్రస్తుతం ప్రధానమంత్రి రేసులో ఉన్న గుజరాత్ ముఖ్యమంత్రి నరేంద్ర మోడీజీ పై. మితేష్ పటేల్ అనే ప్రవాస భారతీయుడు ఈ చిత్ర నిర్మాణానికి పూనుకున్నాడు. ఈ సినిమాకు కావాల్సిన కమర్షియల్ హంగులు జోడించి 40 కోట్ల భారీ బడ్జెట్ తో ఈ సినిమాను రూపొంచడానికి సన్నాహాలు చేస్తున్నారు. ఇప్పటికే దీనికి మోడీ నుండి గ్రీన్ సిగ్నల్ వచ్చింది. హైటెక్ హంగుల్ని ఎక్కువగా ఇష్టపడే మోడీ భాజాపా ఎన్నికల రథసారథిగా ఉండటంతో సినిమా ప్రచారానికి ఉపయోగపడుతుందని భావిస్తున్నాడట.