అనుష్క ఆ ఇద్దరి హీరోలకు పోటీనిస్తుంది

Posted: 08/08/2013 09:59 AM IST

పొడుగుకాళ్ళ సుందరి, హాట్ బ్యూటీ అనుష్క టాలీవుడ్ స్టార్ హీరోలకే గట్టి పోటీనిస్తుంది. ఆ హీరోలు ఎవరో కాదు... మహేష్ బాబు, పవన్ కళ్యాణ్. వారికి అనుష్క పోటీనివ్వడం ఏంటి ? ఇంతకీ విషయం ఏంటో తెలుసుకోవాలనుందా ? ఇటీవల స్టార్ హీరోలు అయిన మహేష్, పవన్ తాజా సినిమాల ట్రైలర్స్ విడుదల అయి యూట్యూట్ లో హిట్స్ పపంగా హల్ చల్ చేసి రికార్డ్స్ సొంతం చేసుకున్నాయి. అనుష్క తాజాగా నటించిన ‘వర్ణ ’ సినిమా ట్రైలర్ కూడా విడుదల అయి యూ ట్యూబ్ లో హల్ చల్ చేసింది. ఈ సినిమా ట్రైలర్ కి ఇప్పటి వరకు 6 లక్షల పై చిలుకు హిట్స్ వచ్చాయి. తొలిసారిగా లేడీ ఓరియెంటెడ్ సినిమాకు యూ ట్యూబ్ లో ఇన్ని హిట్స్ రావడంతో సినిమా వాళ్లే ఆశ్చర్యపోతున్నారు. అనుష్క ఫ్యాన్స్ మాత్రం ఆ స్టార్ హీరోల రేంజ్ లో ఈమెకు ఫ్యాన్స్ ఉండటమే ఆ హిట్స్ కి కారణం అని గొప్పగా చెప్పుకుంటున్నారు. మరి రానున్న రోజుల్లో మరింత పోటీ నిచ్చినా ఆశ్చర్యపోనక్కర్లేదని అంటున్నారు. శ్రీరాఘవ దర్శకత్వంలో తమిళంలో రూపొందిన ‘ఇరండమ్ ఉలగం' చిత్రం తెలుగులో 'వర్ణ' పేరుతో విడుదలవుతోంది. ఆర్య, అనుష్క జంటగా నటించారు.