అంజలి ఎలాంటి పాత్ర ఇచ్చాడో

Posted: 07/26/2013 12:11 PM IST

వివాదాల హీరోయిన్ గా పేరు తెచ్చుకున్న అంజలి (సీతమ్మ)కు అప్పటి నుండి అవకాశాలు అంతంత మాత్రమే ఉండటంతో వచ్చిన ఏ అవకాశాన్ని వదులుకోవడం లేదు. ఇటీవల విడుదల అయిన ‘బలుపు ’ సినిమాలో ఐటెం గర్ల్స్ గా కూడా చేసిన అంజలి ఇక పై అలాంటి పాత్రల్లోనే ఎక్కువ కనిపిస్తుందని అనుకున్నారు. కానీ కొరియోగ్రాఫర్, నటుడు అయిన లారెన్స్ అంజలికి తన దర్శకత్వం వహిస్తూ, నటిస్తున్న ‘ముని-3’ చిత్రంలో ఈమెకు ఓ కీలక పాత్రను ఇచ్చాడట. మొదట లారెన్స్ అడిగినప్పుడు చేయనని చెప్పి, ఆ పాత్ర గురించి చెప్పిన తరువాత ఒప్పుకుందట. కాంచన సినిమాలో లక్ష్మిరాయ్ లాంటి హాట్ హాట్ పాత్ర అయి ఉంటుందని అందుకే అంజలి ఒప్పుకుందని అంటున్నారు. మరి ఈమెకు ఎలాంటి పాత్రను ఇచ్చాడో సినిమా విడుదల అయితే గానీ తెలియదు.