బన్నీ డాన్స్ పై కామెంట్ చేసిన సీనియర్ నటి ?

Posted: 07/15/2013 01:57 PM IST

దాదాపు పదహారేళ్లపాటు తెలుగు చిత్రసీమ ను ఏలిన సినీయర్ నటి వాణిశ్రీ, మన స్టైలిష్ స్టార్ అల్లు అర్జున్ డాన్స్ పై కామెంట్ చేసింది. అలాగే ఇప్పుడు సినిమా ఇండస్ట్రీ పోకడలు గురించి మాట్లాడుతూ... సినిమా మాత్రమే కాదు.. ప్రపంచమే మారుతోంది. తెలుగు చిత్ర పరిశ్రమ ఎప్పుడూ చెడిపోలేదు. చాలామంది మంచి సినిమాలు తీస్తున్నారు. అల్లు అర్జున్ డాన్స్ చూస్తే 'ఈ పిల్లాడి కాళ్లు రబ్బర్‌తో చేశా రా' అనిపిస్తుంది. బన్నిడాన్స్ అంటే చాలా ఇష్టం అంటూ చెప్పుకొచ్చారు అలనాటి హీరోయిన్ వాణిశ్రీ. ఇలాంటి డాన్స్ అప్పట్లో ఉంటే.. నేను తప్పకుండా నేర్చుకోని, అభిమానుల ముందు డాన్స్ చేసేదానిని అని వాణిశ్రీ చెబుతుంది.

 

అల్లు అర్జున్ డాన్స్ చూసిన తరువాత అతను ఎంత కష్టపడతాడో ఒక నటిగా బాగా అర్థం అయ్యిందని ఆమె అన్నారు. ఇంక టాలీవుడ్ నుండి మంచి సినిమాలు రావాలని వాణిశ్రీ అంటుంది. కొంత మంది దర్శకులు అసభ్య సినిమాలకు ఎక్కువు సమయం కేటాయించి, యువతను పాడు చేస్తున్నారు. అలాంటి అసభ్య సన్నివేశాలు వారి మనసులో ఉంచుకోని, వాటిని లైవ్ గా చూడటానికి ఇష్టపడుతున్నారు. అలాంటి దర్శకులు అసభ్య సినిమాలు తగ్గించి, మంచి కథ ఉన్న సినిమాలను తీస్తే అందరికి మేలు జరుగుతుందని వాణిశ్రీ అన్నారు.