పెద్దలకు మాత్రమేనట

Posted: 06/14/2013 07:43 PM IST

కామెడీ చిత్రాల హీరోల పేరు తెచ్చుకున్న అల్లరి నరేష్ తొలిసారిగా కామెడీ 3 డి సినిమాలో నటిస్తున్న విషయం తెలసిందే. ఎ. కె.ఎంటర్ టైన్మెంట్ బ్యానర్ పై సుంకర రామబ్రహ్మం నిర్మిస్తోన్న, అనిల్ సుంకర దర్శకత్వంలో నరేష్ కెరియర్లోనే అంత్యంత భారీ బడ్జెట్ తో రూపొందుతుంది. అల్లరి నరేష్ పాటు ‘కిక్ ’ శ్యాం, వైభవ్, స్నేహా ఉల్లాల్, విమలారామన్, కామ్నజెత్మలాని, ప్రధాన పాత్రలను పోషించిన ఈ సినిమాకు సెన్సార్ బోర్డు పెద్దలు మాత్రమే చూడదగిన చిత్రంగా చెబుతూ క్లీన్ (ఎ) సర్టిఫికేట్ ఇచ్చారని టాలీవుడ్ వర్గాల సమాచారం. ఇప్పటి వరకు కామెడీ హీరోగా ఫ్యామిలీ ప్రేక్షకుల్ని సొంతం చేసుకున్న నరేష్ సినిమాకి ఏ సర్టిఫికెట్ వచ్చిందంటే సినిమాలో మసాలా ఏ రేంజ్ లో ఉందో అర్థం చేసుకోవచ్చు. అయితే చిత్ర దర్శక నిర్మాతలు మాత్రం ఈ విషయాన్ని కప్పిపుచ్చుతున్నారని, ఒకవేళ ఈ విషయం ఫ్యామిలీ ప్రేక్షకులకు తెలిస్తే వారు సినిమాకు దూరం అవుతారని భావించి ఈ విషయాన్ని బయటకి చెప్పడం లేదని అంటున్నారు. ఇక ఈ సినిమా ఇప్పటికే వాయిదాల మీద వాయిదాలు పడుతూ ఉంది. చివరగా ఈనెల 21 తేదీని విడుదల చేయడానికి సన్నాహాలు చేస్తున్నారు.