'బాద్షా ' విజయం సాధించినట్టే నా ???

Posted: 04/07/2013 06:17 PM IST

'బాద్షా' చిత్రం అనుకున్న దగ్గరినుండి షూటింగ్ పూర్తయ్యి , ఆడియో విడుదల అయ్యి , చిత్రంవిడుదల వరకు కూడా ఈ చిత్రం గురించే ఫిలిం నగర్ లో చర్చ . N.T.R. లుక్ , పాత్ర తీరు తెన్నులు , చిత్ర కధాంశం , అందాల భామ కాజల్ ఈ చిత్రం లో మరింత ప్రత్యేకంగా కనిపించడం , నవదీప్ చిత్రం లో విలన్, దలేర్ మెహదీ వంటి వారే కాక , తమిళ స్టార్ హీరో సింభు కూడా ఈ చిత్రం లో పాటలు పాడటం , తమన్ సంగీతం , జానకి డిమాండ్ గర్ల్ వంటి పాటలు ఘన విజయం సాధించడం , N.T.R. ఇంకా శీను వైట్ల కాంబినేషన్ , కదానాయకుడికీ , శీను వైట్ల ఫెవేరేట్ బ్రహ్మనందం కి మధ్య సన్నివేశాలు, నిర్మాత బండ్ల గణేష్ ఈ చిత్ర నిర్మాణం పై ఏకంగా 40 కోట్లు వెచ్చించడం , ఇలా ఒక్కటేమిటి, చిత్రానికి సంబంధించిన ప్రతీ అంశం , ప్రేక్షకుడిని ఈ చిత్ర విడుదల కోసం ఆసక్తి గా ఎదురు చూసేలా చేసింది ...

భారీ అంచనాల మధ్య ఈ చిత్రం విడుదల అయ్యింది ... ప్రస్తుతానికి కలెక్షన్ల వర్షం కురిపిస్తోంది ... ఈ వారాంతరం కలెక్షన్ల బట్టి చిత్రం ఎంతగా ప్రేక్షకులని ఆకట్టుకుందో తెలుసుకోవాలి ... ఈ చిత్రం లో శీను వైట్ల మార్కు కామెడీ తో పాటు , N.T.R. యాక్షన్ తడాకా నే కాక, హీరోయిన్ చేత కూడా కామెడీ చేయించారని , తన తదుపరి చిత్రాల మీద శీను వైట్ల సెటయర్లు కూడా వేశాడని వినికిడి ...

ఏది ఏమైనా, ఇక ఏ పెద్ద హీరో చిత్రం ఈ మధ్య కాలం లో విడుదల కాకపోవడం , సమయానికి 'బాద్షా' విడుదల అవ్వడం ఇటు ప్రేక్షకులకి అటు ఈ చిత్రం తో ముడి పడి ఉన్న అందరికీ ప్లస్సే అయ్యింది ...