Posted: 04/02/2013 11:52 AM IST

ప్రముఖ నిర్మాత అయిన అల్లు అరవింద్ రెండో కుమారుడు అల్లు శిరీష్ ‘గౌరవం ’ సినిమా ద్వారా ప్రేక్షకులకు పరిచయం కాబోతున్న విషయం తెలిసిందే. ఈ సినిమా త్వరలో ప్రేక్షకుల ముందుకు రాబోతుంది. తాజాగా మనకు అందించిన సమాచారం ప్రకారం అల్లు శిరీష్ రెండో సినిమా ప్రముఖ దర్శకుడు వి.వి. వినాయక్ దర్శకత్వంలో ఉండబోతుందని తెలుస్తొంది. ఈ మధ్యన ‘నాయక్ ’ ఇచ్చిన విజయం ఊపులో ఉన్న వినాయక్ సినిమాల మీద సినిమాలు చేయబోతున్నాడు. ఇప్పటికే అత్యధిక రెమ్యునరేషన్ తీసుకుంటూ బెల్లంకొండ శ్రీనివాస్ కొడుకును డైరెక్ట్ చేస్తున్న వినాయక్, ఆ సినిమా తరువాత అల్లు శిరీష్ సినిమా ఉంటుందని సమాచారం. ఇక అల్లు శిరీష్ గౌరవం సినిమా విషయానికి వస్తే... షూటింగ్ పూర్తి చేసుకొని పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమాను రాధామోహన్ డైరెక్ట్ చేయగా, ప్రముఖ నటుడు ప్రకాష్ రాజ్ నిర్మించాడు.