Posted: 03/28/2013 07:51 PM IST

1993 ముంబై వరుస బాంబు పేలుళ్ల కేసులో జైలు శిక్ష పడిన బాలీవుడ్ నటుడు సంజయ్ దత్ తాను క్షమాభిక్ష కోరబోనని స్పష్టం చేశారు. జైలు శిక్ష అనుభవిస్తానని చెప్పారు. తగిన సమయంలో తాను కోర్టు ముందు లొంగిపోతానని మున్నాబాయ్ చెప్పారు. 1993 ముంబై వరుస బాంబు పేలుళ్లు కేసులో సంజయ్ దత్‌కు ఐదేళ్ల జైలు శిక్ష పడింది. 53 ఏళ్ల సంజయ్ దత్ మరో మూడున్నరేళ్లు జైలు జీవితం గడపాల్సి ఉంటుంది. ఇదివరకు ఆయన 18 నెలల పాటు జైలులో ఉన్నారు.  బెయిల్ పై బయటకు వచ్చిన  సంజయ్ దత్ , ఆ తర్వాత  యధావిదిగా  పలు సనిమాల్లో  నటించడం జరిగింది.  సంజయ్ దత్  సోదరి  ప్రియాదత్ తో కలిసి  ఈ రోజు మీడియాతో  మాట్లాడే సమయంలో  సంజయ్ దత్ ,  తన ఉన్న  ఉద్వేగాన్ని  ఆపుకోలేక  కన్నీరు పెట్టాడు.  ఈ సంఘటన  సంజయ్ దత్  అభిమానులను , మీడియా వారిని  కలచివేసింది.  సంజయ్ దత్ జైలు శిక్ష గురించి   కొత్త మంది  రాజకీయ, సినీ ప్రముఖులు  క్షమాభిక్ష పెట్టాలంటూ  గోలచేస్తున్నారు.  ఈసమయంలోనే  నాకు క్షమాభిక్ష వద్దు,  నేను జైలుకు వెళ్తానని  సంజయ్ దత్  ఉద్వేగంగా చెప్పటం..  అందరిని ఆశ్చర్యపరిచింది.