Posted: 03/21/2013 07:58 PM IST

టాలీవుడ్ మెగా పవర్ స్టార్ రామ్ చరణ్ తేజ్ బాలీవుడ్ లో తొలిసారిగా ఎప్పుడో అమితాబ్ బచ్చన్ నటించిన ‘జంజీర్ ’ సినిమా రీమేక్ లో నటిస్తున్న విషయం తెలిసిందే. ప్రస్తుతం ఈ సినిమా షూటింగ్ దాదాపు పూర్తి కావచ్చింది. హిందీలోనే కాకుండా తెలుగులో కూడా రీమేక్ అవుతున్న ఈ చిత్రానికి తెలుగు టైటిల్ గా ‘తుఫాన్ ’ అని నిర్ణయించిన విషయం తెలిసిందే. అయితే ఈ చిత్రంలో గెస్ట్ రోల్ లో బాలీవుడ్ మెగా స్టార్ కనిపించనున్నాడనే వార్తలు వచ్చిన విషయం తెలిసిందే. అయితే యూనిట్ సభ్యులు మాత్రం ఈ విషయాన్ని కొట్టిపారేశారు. కానీ అభిమానుల కోరిక మేరకు ఈ చిత్రంలో అమితాబ్ కొద్దిసేపు ఉంటాడని ఆయన వెల్లడించినట్లు సమాచారం. అయితే హింధీ వెర్షన్లో అమితాబ్ కనిపిస్తే తెలుగు వెర్షన్లో మెగా స్టార్ చిరంజీవి కనిపించబోతున్నాడనే ఊహాగానాలు ఫిలింనగర్ నుండి వస్తున్నాయి. ఈ వార్త గనుక నిజమైతే మెగా అభిమానులకు పండగే పండగ.