Posted: 03/08/2013 01:06 PM IST

ప్రముఖ దర్శకుడు శీను వైట్ల ఎన్టీఆర్ తో  ఎంతో ప్రతిష్టాత్మకంగా రూపొందిస్తున్న ‘బాద్ షా ’ సినిమాకి ఇఫ్పటికే ఎన్నో హంగులు ఉన్నాయి. వాటికి మరిన్ని హంగులు జోడిస్తున్నారు. ఈ సినిమాలో దర్శకుడు శీను వైట్ల తన కూతుళ్ళను నటింపజేస్తున్నారు. ఓ సన్నివేశంలో వీరు ముగ్గురు కనిపించనున్నట్లు సమాచారం. ఇటీవలే వీరి ముగ్గురి పై కొన్ని సన్నివేశాలను కూడా చిత్రీకరించాడట. ఈ విషయాన్ని ఆయన భార్య రూపా వైట్ల సోషల్ నెట్ వర్కింగ్ సైట్ అయిన ట్విట్టర్ లో పోస్ట్ చేశారు. ఇంకా ఈ సినిమాలోని కొన్ని డైలాగులు, సన్నివేశాలను గూర్చి కూడా ఆమె మనతో పంచుకున్నారు. ‘బాద్‌ షాతో పెట్టుకొంటే అంతే ! అతనితో ఆటైనా, యుద్ధమైనా ఒక వైపు నుంచే. ఎందుకంటే బాద్‌ షా డిసైడైతే సంగ్రామం ఏక పక్షమే. ఆ పోరు ఎలా ఉంటుందో తెలియాలంటే మా సినిమా చూడాల్సిందే ' అన్నారు. ఇంకా ఈ సినిమాలో పవర్ ఫుల్ డైలాగులు కూడా ఉన్నాయని అంటున్నారు. 'బాద్‌ షా డిసైడైతే వార్‌ వన్‌సైడ్‌ అయిపోద్ది' వంటి పవర్ ఫుల్ పంచ్ డైలాగులు కూడా ఉన్నాయంటున్న రూపా వైట్ల.  ఇ ఈ సినిమాలో జూనియర్ ఎన్టీఆర్ సరసన కాజల్ నటిస్తున్న విషయం తెలిసిందే. బండ్ల గణేష్ నిర్మిస్తున్న ఈ చిత్రానికి థమన్ సంగీతం అందిస్తున్నారు. ఈ చిత్రం ఆడియో శివరాత్రి రోజు విడుదల కావాల్సి ఉన్నా, దీనిని పోస్ట్ పోన్ చేశారు.