Posted: 01/25/2013 06:48 PM IST

       యంగ్ హీరో విజరు, హాట్ బ్యూటీ మానసలు నటీనటులుగా విజయసింహా దర్శకత్వంలో మానస ఆర్ట్‌ క్రియేషన్స్‌ పతాకంపై అవినాష్‌ రెడ్డి నిర్మిస్తున్న చిత్రం 'నీకోసం జీవిస్తా.. నీ కోసమే మరణిస్తా'. ఈ చిత్రం విశేషాలను దర్శకుడు విజయసింహా వెల్లడించారు.. ‘ఇప్పటివరకు ప్రేమకథా చిత్రాలు చాలా వచ్చాయి, వస్తున్నాయి. వాటి అన్నింటికంటే భిన్నంగా సరికొత్త పాయింట్‌ని ఎంపిక చేసుకుని ఈ చిత్రాన్ని తెరకెక్కించడం జరుగుతుంది. ఇప్పటి వరకు 50 శాతం టాకీ పూర్తయింది. ఈ చిత్రానికి రసూల్‌ సంగీతాన్ని అందిస్తున్నారు. రీ-రికార్డింగ్‌ కూడా పూర్తయింది. ఫిబ్రవరికల్లా షూటింగ్‌ పూర్తి అవుతుంది. అదే నెలలో ఆడియోని గ్రాండ్‌గా విడుదల చేసి సమ్మర్‌లో ఈ చిత్రాన్ని రిలీజ్‌ చేయబోతున్నాం అని వెల్లడించారు.
         నిర్మాత అవినాష్‌రెడ్డి మాటల్లో.. ‘దర్శకుడు విజయసింహా చెప్పిన కథ చాలా బాగుంది, ప్రేక్షకులకి కూడా ఈ సినిమా ఎంతో నచ్చుతుంది. డిఫరెంట్‌ ప్రేమకథా చిత్రం చూసిన ఫీలింగ్‌ ఆడియన్స్‌ కు కలుగుతుంది’. అని తెలిపారు.
సంగీతం: రసూల్‌, కెమెరా: వెంకట్‌ ఆనేం, నిర్మాత: అవినాష్‌రెడ్డి, కథ-స్క్రీన్‌ప్లే-దర్శకత్వం: విజయసింహా.

...avnk